Domingu, 19 Setembru 2021 | Login
Reiuniaun Konsellu Ministru.Foto:dok/Independente Reiuniaun Konsellu Ministru.Foto:dok/Independente

Governu Aprova Ona Kandidatura TL Ba Konsellu Direitu Umanu Featured

DILI:Governu liu husi Konsellu Ministru (KM) apova ona projetu Rezolusaun Governu nian, ne’ebé aprezenta husi Ministra Negósiu Estranjeiru, Adaljiza Magno, kona-ba aprovasaun ba kandidatura Timor-Leste hanesan membru Konsellu Direitu Umanu nian husi Organizasaun Nasoins Unidas (ONU), ba períodu tinan 2024 ba 2026.

Ministru Prezidensia Konsellu Ministru, Fidelis Leite Magalhães hatete, Konsellu Direitu Umanu sira iha membru hamutuk 47.

“Konsellu Direitu Umanu Ne’ebé eleitu liu husi maioria Estadu Asembleia Jerál ONU nian ba mandatu tinan tolu,ba país sira seluk mantein estatutu observadór sira,” ”dehan nia iha konferensia imprensa, iha Palasiu Governu,(14/04).

Distribuisaun husi asentu sira sei halo tuir aprezentasaun jeográfika ekuitativa nian hanesan iha Grupu 13 husi País Afrikanu, Grupu 13 husi País sira Aziátiku, Grupu  hitu husi País sira Leste Europeu, Grupu ualu husi País sira Amérika Latina, no husi Karaíbas, no Grupu hitu husi País sira Europa Osidentál no Sira seluk.

 

Jornalista:Saturnina da Costa

Editor:Jose Sarito Amaral

Read 305 times Last modified on Sexta, 16 Abril 2021 13:26
Rate this item
(0 votes)