Aliende osan, AEC-TL fó mós hanesan bee Aqua fresca kaixa 300, atu apoiu vitima inundasaun sira ne’ebé akontese iha loron 4 fulan-Abril 2021.
Ho apoiu ne’e, SEPS Joaquim Gusmao deklara, parseiru barak mak fó ona apoiu ba SEPS tau hotu iha armajen núne’e bele jere didiak ba iha Dili laran no ba Munisipiu sira hotu.
“Ha’u apresia ba ita nia parseiru sira liu-liu AEC-TL ne’ebe apoiu ita ohin entrega ona bee kaixa 300 no osan rihun $15 atu apoiu ita nia vitima sira ne’ebé iha loron 4 fulan-Abril tinan ne’e afetadu inundasaun,”dehan Joaquim ba jornalista, iha knar fatin, Kaikoli-Dili, Kinta (15/04).
“Ita sei uza ba operasional liu-liu ba ita nia Munisipiu sira, tanba ita aloka orsamentu ne’e kada Munisipiu hetan $2.500,”esplika Joaquim.
Apoiu hirak ne’e fahe ona pakote hahan no bee ba familia sira ne’ebe afeita indundasaun.
Nune’e mos fatin ne’ebe sira identifika fahe kedas hahan matak ne’ebe konsentra iha sentru apoiamentu ba evakuasaun sira balu mos maneja atu fahe mos ba vitima sira.
Ne’e duni, nia dehan agora dadaun ekipa la’o hela hodi apoiu vitima sira tuir SEPS nia orariu. Iha Dili laran hahú kobre ona suku barak ne’ebe afeta inundasaun, tan ne’e sira lao nafatin ho rekursu SEPS nian.
“Ami mos pasiensia ba ita nia komunidade sira hein uituan tanba dezastre ne’e ita la espera ne’ebe akontese ona mai ita, mais tempu badak ita halo oinsa mak bele apoiu ba vitima sira hotu,” tenik nia.
Nune’e, nasaun doadór sira ne'ebé apoiu ona Timor-Leste hodi ultrapasa situasaun ne'e ho fundus mak hanesan, Estadu Unidos Amerika liuhusi OIM apoia osan dolar amerika rihun $100, Governu Xina apoia rihun $106, no apoia rihun $100 liuhusi nia ajensia World Food Programme (WFP) iha Timor-Leste, Australia millaun $5.34, Japan liu husi JICA apoia manta 5,000, Korea apoia liuhusi UNDP rihun $100 no Banku ANZ kontribui dolar amerika. 50.
Entretantu, Australia aliende osan, apoia mós materia asistensia umanítaria toneladas 27, hanesan material ijeniku,lona, no materia dapur nian mai Timor-Leste.
Jornalista:Saturnina da Costa
Editor:Jose Sarito Amaral
