Ida ne’e fó impaktu tebes ba labarik sira nia moris.

 “Ministériu relevante sira tenke fasilita aprovasaun lei pendente sira, tanba to’o ohin loron iha impaktu ba labarik Timor-oan sira-nia moris. Ezemplo hanesan, Lei Protesaun Labarik no Foinsa’e iha Perigu, pendente hahú 2017, Lei Justisa Juvenil ne’ebé pendente hahú 2010, Kódigu da Criança, pendente hahú 2010, Dekretu lei kona-ba Kódigo Internasional Komersializasaun Substitutos Leite Materno ne’ebé pendente hahú 2010,”nia dehan.

Ho nune'e, Ministériu sira presiza atu monitoriza no aloka orsamentu ba labarik sira-nia nesesidade.

“Bazeia ba evidénsia hodi garante katak Timor-Leste nia jerasaun tuir mai ne’e hetan protesaun husi konsekuensia raes, badak, krekas, moras, violénsia, no falta edukasaun, tanba ne’e rekomendasaun sira husi relatóriu ne’e mak análiza situasaun labarik fornese asaun konkreta sira,” nia relata.

Iha Fatin hanesan, Prezidente Instituto para a Defesa dos Direitos da Crianças (INDDICA), Dinorah Granadeiro, hatete, ministeriu hotu-hotu sei halo dezaminasaun ba análiza situasaun baraik sira iha TL.

"Objetivu ohin (24/05) loron nian mak, ita halo desemisaun ba liña ministériu sira liu-liu iha diresaun planeamentu tanba análiza ba sitausaun labarik iha Timor-Leste hanesan dadus ida-ne'ebé Ministériu Finansa liu husi Diresaun Estatístika servisu hamutuk ho INDDICA, atu haree labarik iha setór hanesan nutrisaun, saneamentu no ijiene hodi oinsá halo prevensaun no protesaun. Diresaun planeamentu mak sai xave hodi ministériu dezenvolve sira-nia planu no orsamentu ba ita-nia tarjetu sira, para hasa'e sira-nia koñesimentu ligadu ho situasaun labarik sira-nian," tenik nia.