Tinan 11, SEFOPE Haruka Ona Timoroan Na’in 12.437 ba Servisu iha Australia Featured

By Ekipa INDEPENDENTE Novembru 09, 2023 2679
Traballaor na'in hirak ne'ebe atu ba servisu iha Australia iha fulan ida ne'e nia laran. Foto:Media SEFOPE. Traballaor na'in hirak ne'ebe atu ba servisu iha Australia iha fulan ida ne'e nia laran. Foto:Media SEFOPE.

DILI: Durante tinan 11, hahú husi 2012 to’o 2023, Sekretária Estadu Formasaun Profesional no Empregu (SEFOPE) haruka ona Timoroan na’in 12.437 ba servisu iha Australia.

Ho nune’e, iha loron 08 fulan-Novembru tinan ne’e, Sekretáriu Estadu Formasaun Profisionál no Empregu Rogerio Araújo Mendonça,  akompaña mós husi Diretór Diresaun Nasionál Empregu Estranjeiru João Correia Pereira, iha Suai Room Timor Plaza, despede tán joven Timor-oan na’in 92 atu ba servisu iha Australia fulan ida ne’e nia laran.

“Agradese ba Governu Australia ne’ebé servisu di’ak tebes hó Governu Timor-Leste liu-husi SEFOPE, hodi rekruta joven Timor-oan sira ba servisu iha Australia hahú iha tinan 2012 to’o agora hamutuk ema na’in 12.437,”dehan nia.

Governante ne’e mós, hato’o parabéns ba joven Timor-oan 92 ne’ebé hetán nafatin konfiansa husi empregadór Australia, hodi ba servisu dala-rua, dala-tolu no iha balun ba ona dala-haat, ida ne’e hatudu katak traballadór hirak ne’e servisu iha Australia hatudu duni komportamentu servisu ne’ebé di’ak.

“Ba traballadór sira atu servisu hatudu nafatin imi nia komportamentu servisu ne’ebé di’ak iha Australia, hodi labele halai ses husi sistema, tanbá halai ses husi sitema sei taka dalan ba empregadór sira atu emprega tán ita nia joven Timor-oan sira ne’ebé hein hela oportunidade servisu,”tenik nia.

Entretantu, Sekretáriu Estadu Formasaun Profisionál no Empregu mós apela ba traballadór Timor-oan na’in 92 ne’ebé ba servisu, hetán osan haruka mai família hodi sustenta ekonomía família no hasa’e kresimentu ekonomía nasaun Timor-Leste.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31