Diretór DNEE, Filomeno Soares hatete, traballadór ne’ebé asina dekralaran ho SEFOPE hamutuk na’in 306, maibé husi númeru na’in 297 mak sei aranka uluk ba Australia no restu sei hein,  tanba sira nia viza seidauk tama.

“Ita nia preparasaun deklarasaun ba loron ohin ne'e trabllador hamutuk 297 mak sei aranka ba Australia,"dehan nia iha salaun Ian-Martin, INFORDEPE, Balide, tersa ne’e (04/10).

Nia hatutan, traballador 297 ne'e sei ba servisu kompañia 16 ne’ebé iha Austrália.

Nia dehan, kompañia 16 ne’ebé iha Australia mak hanesan, Kompañia Connect Group/ADCO, Kompañia SW Labour Solutions, Kompañia Advence Packin, Kompañia Tazmenia Berries, Kompañia Burlinton Berries, Deep Creek Organics, FPG, GroupSunray Straberreis, Burlington Burreis, Mccrystal Agrikultural, no Conect Group/ Flowers.

Aleinde, Kompañia Conect Group/Niceforo, Hiliwood Berries no mós Kompañia Petane.

Iha fatin hanesan, Diretór Jeral SEFOPE, Paulo Alves, hatete, partisipasaun trabalhador feto iha Australia barak tebes.

“Iha kompañia foun rekruta feto mós barak tebes, husi númeru traballador ne’ebé ba, kuaze pursentu 50 feto (50%),”nia dehan.

Enkuantu, tuir dadus, hahú husi fulan janeiru to’o outubru tinan ne’e SEFOPE haruka ona traballador hamutuk na’in 2000 resin ba servisu iha Australia.