Husi totál OJE retifikativu 2022 ne’ebé aloka ba Governu Sentrál ho montante dolar amerikanu billiaun U$3,1.
Tuir komunikadu ne’ebé Online INDEPENDENTE asesu, taxa ezekusaun reál OJE Retifikativu 2022 ba Governu Sentrál inklui Fundu Kombatentes Libertasaun Nasionál ho montante dolar amerikanu billiaun U$1 ne’ebé atinji ona pursentu 57 (57%).
"Taxa ezekusaun reál Governu Sentrál, em termos persentazen aas liu mak iha Autoridade Munisípius ne’ebé ezekuta ona millaun $39,2 ka 62% husi orsamentu alokadu millaun $63,6,”haktuir komunikadu ne’ebé Online INDEPENDENTE, asesu iha Pajina Ministeriu Finansas, tersa ne’e (04/10).
Nune’e, tuir kedan ho Fundo Dezenvolvimentu Kapital Humano (FDCH) ne’ebé ezekuta ona millaun $6,8 husi orsamentu alokadu millaun $12,4.
Aleinde, ba Ajénsia Autónoma sira ezekuta ona millaun $108,4 ka 46% husi orsamentu alokadu millaun $234,6.
Enkuantu, Liña Ministériu sira ezekuta ona milliaun $827,2 ka 34% husi orsamentu alokadu billiaun $2,4.
Fundu Covid-19, ezekuta ona millaun $15,7 husi orsamentu finál millaun $56,4, montante orsamentu finál ne’e, inklui ona saldo tranzitadu husi 2021 ho montante millaun $18,7.
Entretantu, Fundu Infraestrutura foin mak ezekuta millaun $58,6 ka 18% husi orsamentu alokadu millaun $332,4.
Aleinde, taxa ezekusaun reál tuir klasifikasaun ekonómiku ba Governu tomak inklui RAEOA aas liu mak iha kategoria Saláriu no Vensimentu ne’ebé atinji ona millaun $180,9 ka 67% husi orsamentu alokadu millaun $269,9.
Tuir kedan ho Bens no Servisus ne’ebé ezekuta ona millaun $199,7 ka 38% husi orsamentu alokadu millaun $524,9.
Ba, Transférensia Públikas ezekuta ona millaun $617,6 ka 32% husi orsamentu alokadu billiaun $1,9.
Kapitál Dezenvolvimentu ezekuta ona millaun $75,5 ka 17%, husi orsamentu alokadu millaun $446,9.
Enkuantu Kapitál menór foin mak ezekuta millaun $7,1 ka 13% husi orsamentu alokadu millaun $53,4.
Ho nune’e, taxa ezekusaun reál OJE 2022 ba RAEOA to’o iha sesta-feira, 30 Setembru 2022, atinji ona millaun $26,4 ka 29% husi totál orsamentu alokadu millaun $89,6.
