Segunda, 27 Setembru 2021 | Login
Jornalista halo intrevista ho Presidente Parlamentu Nasional, Anicceto Guterres, hafoin simu vasina, iha Sentru Saude Formosa Dili, Kuarta (7/4). Foto Camilio de Sousa/Independente. Jornalista halo intrevista ho Presidente Parlamentu Nasional, Anicceto Guterres, hafoin simu vasina, iha Sentru Saude Formosa Dili, Kuarta (7/4). Foto Camilio de Sousa/Independente.

Simu Vasina AstraZeneca, PPN Aniceto Senti Babain Hela Featured

DILI:Presidente Parlamentu Nasional (PPN), Aniceto Longinhos Guterres nuudar ema segundu simu vasina AstraZeneca hafoin Primeiru Ministru Taur Matan Ruak simu dahuluk.

Hafoin simu vasina iha loron dahuluk, kuarta ohin (7/4), Presidente Parlamentu Nasionál ne’e informa katak, bainhira simu vasina ne’e nia senti hanesan babain, halo nia hanoin fila fali uluk sei kiik simu bebeik vasinasaun sankara (campak ou sarampo).

Tanba ne’e, nia husu ba publiku tomak atu partisipa vasinasaun ne’e hodi halo prevensaun Covid-19.

Entertantu membru Parlamento Nasionál sira mós hotu-hotu sei partisipa no simu vasinasaun ne’e hodi enkoraja povu Timor-Leste.

"Vasinasaun AstraZenaca ne’e laos aimoruk para ita atu livre husi Covid-19 maibé ne’e aumenta ita nia imunidade atu nune’e virus ne’e labele ataka ita, klaru la prefeitu to’o pursentu 100 maibé mundu tomak agora uza ida ne’e (tuir rekomendasaun Organizasaun Saude Mundial),"dehan Presidente Parlamentu Nasional iha Bairo Formosa hafoin partisipa lansamentu vasinasaun AstraZeneca, iha Sentru Saúde Formoza, Kuarta ohin (7/4).

Iha fatin hanesan Koodinadór Mitigasaun ba Sentru Integradu Jestaun Krize (SIJK) Dr. Rui Maria de Araujo enkoraja povu tomak atu lalika tauk tanba vasina AstraZeneca ne’e hanesan vasina sarampo ba labarik sira no vasina Hepatitis.

"Ha’u hato’o ba populasaun tomak katak la presija tauk demais, vasina ne’e seguru no liuhosi vasina ne’e ita bele reforsa ita nia isin atu bele rezisti kontra, karik ita hetan infesaun husi virus,"dehan Dr. Rui.

Fundus ba vasinasaun ne’e husi Nasaun Unida ba Infánsia (UNICEF) liuhusi COVAX fasilita AstraZenaca doses rihun 24 ba Timor-Leste.

AstraZenaca ba faze dahuluk ne’e to’o iha Timor-Leste iha loron 5 fulan-Abril tinan 2021.

 

Jornalista: Camilio de Sousa

Editor: Jose Sarito Amaral

Read 224 times Last modified on Kuarta, 07 Abril 2021 18:58
Rate this item
(0 votes)