Segunda, 27 Setembru 2021 | Login
Tabela hatudu kazu foun iha oras 24 nia laran iha munispiu sira. Tabela hatudu kazu foun iha oras 24 nia laran iha munispiu sira.

SIJK Rezista Kazu Foun 167 Iha Oras 24 Featured

DILI:Sala Situasaun Sentru Integradu Jestaun Krize (SIJK), ohin (01/06), rezista tan kazu foun 167 iha oras 24 nia laran.

Tuir Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé relata ohin barak liu iha Kapital Dili ho numeru hamutuk 161, Munisipiu Bobonaro na’in 4, Vikeke 1 no Covalima 1.

“Husi kazu ohin iha mane na’in 109 no  feto 58. Sira ne’ebé ho idade 12 mai kraik iha na’in 2, idade 12-59 na’in 163 no idade 60 iha na’in 2,”dehan nia iha komunikadu tersa ohin.

Rui relata, husi total kazu detetadu foun iha proporsaun kazu sintomátiku hamutuk pursentu 10,3.

Ho nune’e, kazu rekuperadu hamutuk 163, no kazu ativu iha izolamentu no auto-izolamentu hamutuk 2,630.

Enkuantu total komulativu kazu hamutuk 7,161.

Husi horiseik (31/05) mai ohin (01/06) teste PCR ne'ebé Laboratóriu Nasionál Saúde halo iha Dili hamutuk 1,413 kompostu husi, Vijilánsia sentinela na’in 7, Contact tracing 193, Random Screening 325, Viájen sai husi serka sanitária husi Dili 810, Viájen internasionál 43 no Follow up iha kuarentena hamutuk 35.

Totál testes PCR ne’ebé halo horiseik (31/05) iha Munisipiu sira seluk, RAEOA no HNGV hamutuk 494 ho detalle hanesan tuir mai, Baucau 63, Ermera 166, Maliana 50, Maubise 94, RAEOA 9, Suai 38, Vikeke 40 no HNGV 44.

 

Asistente Editor: Saturnina da Costa

Read 227 times
Rate this item
(0 votes)

About Author