Segunda, 27 Setembru 2021 | Login
Diretór Jéral Dezenvolvimentu Rural, Rosito Guterres halo kordenasaun ho   Presidente CÁ do IGE-IP Eng. Ermenegilda da Costa Laurentina, atu asegura dalan iha area remotas hodi asesivel iha Suku no Aldeia. Foto:Gab.DGDR. Diretór Jéral Dezenvolvimentu Rural, Rosito Guterres halo kordenasaun ho Presidente CÁ do IGE-IP Eng. Ermenegilda da Costa Laurentina, atu asegura dalan iha area remotas hodi asesivel iha Suku no Aldeia. Foto:Gab.DGDR.

DGDR-IGE Halo Kordenasaun Asegura Dalan Iha Area Remotas Featured

DILI:Diresaun Jeral Dezenvolvimentu Rural (DGDR-Sigla portugés) hamutuk ho Instituto Jestaun Ekepamentus (IGE) halo kordenasaun servisu atu asegura dalan iha area remotas hodi asesivel iha Suku no Aldeia.

Tuir Diretór Jéral Dezenvolvimentu Rural, Rosito Guterres hatete, atu asesu dalan ba komunidade sira iha area remotas no atividade desenvolvimento rural nian, persija hetan apoiu husi Instituto Jéral Ekipamentus.

“Nune’e, bele transporta material konstrusaun uma ba ema kbi’it laek sira ne’ebé sei hahú konstrui iha fulan-Jullu tinan 2022,”dehan nia iha komunikadu ne’ebé Online INDEPENDENTE asesu, tersa ohin (01/06).

Tanba ne’e, husi parte rua halo ona kordenasaun ba planu no asaun sira ne’ebé bele garantia asesu dalan iha area rural no remotas atu asesivél ba transporte tantu atividade mobilizasaun material kontrusaun, ba Programa Desenvolvimento sira no bele fasilita komunidade sira hala’o atividades regular.

Ho nune’e, iha tempu besik populasaun ne’ebé elezivel atu hetan uma kbiit laek iha suku no aldeia garante katak, bele ona transporta material kontruasaun sira.

Rositu relata, programa ne’ebé Diresaun Dezenvolvimentu Rural planea ona mak hanesan, planu implementasaun uma ba ema kbiit laek no atividade desenvolvimento komunitáriu no mós infraestrutura bázikas sira ne’ebé implementa husi PNDS, atividade PDIM iha area rural sira.

Entretantu, ba kurto prazu sei haruka lista Suku no Aldeia ne’ebé sai fatin ba implementasaun uma ba ema kbiit laek, ne’ebé difikuldade asesesu dalan hodi transporte material konstrusaun.

Nune’e, sei haruka mapa implementasaun UKL ho nian kalendáriu implementasaun ba IGE hodi  bele trasa planu liu husi konsellu nomós prepara ekipa no rekursu sira hodi halo survey no bele normaliza antes programa sira ne’e implementa.

“Apresia ho koordenasuan diak tomak, tanba nudar diresaun jeral ida ne’ebé trata asunto desenvolvimento ba iha area rural, persija hetan apoiu husi entidades Governu nomós parseiru desenvolvimentu hotu atu nune’e bele komplete malu iha medidas no atividades sira ho integradu no sustentavél, tanba alvo mak ba povo ne’ebé hanesan. Ho koordenasaun ne’ebé diak mak bele rezulta forsa servisu ne’ebé forte, ho rezultadu ne’ebé diak,” Rosito informa.

Presidente CÁ do IGE-IP Eng. Ermenegilda da Costa Laurentina apresia ho inisiativa koordenasaun ne’e atu kompleta malu hodi implementa programa Governu nian iha terenu.

“IGE bele ajuda iha parte normalizasaun dalan atu tranposte bele asesu material ruma hodi to'o iha fatin konstrusaun nomós komunidade sira iha area rural bele assesu dalan ba nesesidade loro-loron”,nia informa.

 

Asistente Editor: Saturnina da Costa

Read 298 times Last modified on Kuarta, 02 Juñu 2021 10:08
Rate this item
(0 votes)

About Author