Kinta, 28 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Bee hemu Gotta. Foto: Media sosial. Bee hemu Gotta. Foto: Media sosial.

Loron 4 Ona Laiha Bee Hemu ba Pasiente iha Izolamentu Tasi-Tolu Featured

DILI: Loron haat ona, hahú husi Sabadu (29/05) too Tersa (01/06), pasiente pozitivu Covid-19 iha fatin izolamentu Tasi Tolu laiha bee atu hemu. Sira tenke kontatu ba sira-nia familia hodi bele lori bee ba sira hemu.

Pasiente ida neebé lakohi públika nia identidade informa ba jornalista  INDEPENDENTE katak, durante loron haat nia laran pasiente sira iha izolamentu Tasi Tolu husu ba familia no kolega balun atu ajuda sosa bee husi liur hodi fó ba sira hemu.

“Iha izolamentu nee, ami tempu hamrok nee ba husu bee atu hemu, sira hatete dehan bee-moos ka aqua atu hemu ba hamrok nian nee laiha, stokc hotu ona, tanba nee haruka imi-nia familia sosa lori hela mai,” dehan pasiente nee iha izolamentu Tasi-Tolu, Tersa (01/06).

Nia hatete, situasaun nee sai problema boot tanba sira neebé hela iha izolamentu la lori osan no balun nia familia hela dook no transporte laiha.

Aleinde bee hemu, pasiente sira iha izolamentu Tasi Tolu deklara mós katak durante tama iha izolamentu laiha kontrolu husi parte responsavel sira ho nunee sira ho livre bele halibur-malu, joga karta, too dansa.

Pasiente ida husi Palapasu hatete, nia halo teste swab iha Hospital Nasional Guido Valadares (HNGV) no hetan kontatu katak nia pozitivu iha 20 Maiu.

“Ami mai iha fatin nee loron dahuluk mediku sira mai koko tensaun deit, mediku sira fó aimoruk iha loron dahuluk nee, too oras nee la fó tan ona aimoruk,” dehan nia.

“Laiha kontrolu katak pasiente nee hemu ona aimoruk ka seidauk? nee laiha ida, sira mai fó hela deit aimoruk nee la mai ona, too aban hau atu sai fali deit nee la swab ona, sira dehan sai deit ona,” dehan pasiente neebé iha Kuarta (02/06) ohin, sei sai husi izolamentu.

 

Editor: Jorgino dos Santos

Read 242 times Last modified on Kuarta, 02 Juñu 2021 09:47
Rate this item
(0 votes)