Sekretária Estadu Igualidade no Inkluzaun, Maria do Rosário Fátima Correia hateten, SEII kolabora ho MS oinsa atu halo prevensaun ba moras ne’ebé daudaun ne’e mosu iha nasaun ida ne’e hanesan HIV/SIDA ho moras seluk tán.
Prevensaun ne’e maka, bainhira hetan moras ne’e tenke hakbesik aan bai ha fasilidade saud’e sira hodi hetan tratamentu.
“Ministériu Saúde tenke halo diseminasaun informasaun ba sira atu labele moe hodi ba halo tratamentu tanba moras ida ne’e bele hada’et ba ema seluk,’’ nia hateten ba Jornalista sira iha salaun Maria Goreti SEII, Segunda (15/08/2022).
Antes ne’e Prezidente Institutu Nasionál Kombate HIV/SIDA, Atanásio de Jesus hateten, HIV/SIDA la mesak maibé hamutuk ho ninia parseiru sira hotu nia esforsu atu halo prevensaun másima.
