Sexta, 24 Setembru 2021 | Login
Prizoneiru sira. Foto:Google. Prizoneiru sira. Foto:Google.

Prizoneiru Na’in 59 Iha Gleno Infetadu Covid-19 Featured

DILI: Ministru Justisa Manuel Carçeres informa, prozoneiru na’in 59 infetadu Covid-19 iha prizaun Gleno, Munisipiu Ermera.

“To’o ohin loron ita nia maluk prizoneiru sira iha Gleno na’in 59 mak infetadu ba Covid-19, maibé sira ho asintomatiku no kondisaun diak hela,”dehan nia hafoin remata inkontru ho PM Taur Matan Ruak, iha rezidensia Farol, Dili, tersa ohin (06/07).

Nune’e, servisu saúde Munisipiu Ermera nian mós tau matan intensivu  ba sira.

Aliende prizoneiru na’in 59 infetadu Covid-19 iha mós guarda prizoneiru na’in ida ne’ebé infetadu, nune’e nia halo auto-kuarentena iha uma.

Entretantu, iha prizaun Suai iha prizoneiru hamutuk 103, husi numeru ne’e na’in ida mak hetan positivu no iha prizaun Becora, prizoneiru na’in 547 livre ona husi moras Covid-19.

Enkuantu, prizoneriu na’in 547 iha prizaun Becora, husi numeru ne’e na’in 26 mak seidauk simu vasina, tanba iha joven na’in ida ho idade 16 no na’in 25 seluk iha moras komplikadu, nune’e ekipa saúde seidauk bele fó vasina.

Husi 133 guarda prizonais ne’ebé servisu iha prizaun Becora pursentu 80 mak simu ona vasina.

 

Asistente Editor: Saturnina da Costa

Read 275 times
Rate this item
(0 votes)