"Ha'u lori povu tomak nia-naran parabens hakuak boot ba ita-nia belun, maluk sira povu irmaun portugeza sira nia loron ohin," dehan nia, iha Ministru Finansas, Ai-Tarak Laran, Sesta (10/6).

Nia dehan, sira hotu-hotu Portugál, partidu sira hotu-hotu ne'ebé sempre hakuak Timor-Leste dexde tempu luta to'o ohin konstrusaun Estadu no dezenvolvimentu ekonómia parabens ba sira hotu, hakuak boot ba sira ne'ebé iha laran Timor-Leste no sira ne'ebé iha Portugál ka mundu seluk.

Nune'e, Prezidente Repúblika mós partisipa selebrasaun loron Portugál hamutuk ho komunidade portugeza iha Eskola Portuguêsa Dili. Nune'e, profesór ho professora no estudante sira husi eskola ne’e antuasizmu simu Prezidente Repúblika festeja hamutuk loron importante refere.

Entretantu, Primeiru Ministru, Taur Matan Ruak, kongratula komunidade portugés iha Timor-Leste komemora loron ida ne'ebé dedika tinan ida ne'e.

"Loron ne'e komemora loron 10 Juñu, 1580, data mate famozu poeta Luis dé Camões, hanesan mós loron ba Angel Custodio dé Portugál," haktuir Xefe Governu.