PR Horta informa, nia mai de'it hanesan amigu tuir protokollu despede Xefe Estadu Portugal, Primeiru Ministru Giné-Bisau no amigu lubuk ida ne'ebé nia konvida sira mai de'it ho ninia media social whatshapp, inklui delegasaun Japones.
Portantu hatudu Timor iha amizade apoiante ema barak iha mundu, Prezidente Portugeza nia ema ida espesiál loos hanesan maun Xanana gosta hakuak ema hotu-hotu no rei ema hotu-hotu iha Portugál.
"Ha'u koñese nia tinan 40 uluk kedas tempu luta nia apoia ita maka'as, buat ida ne'ebé ha'u ko'alia ho Prezidente Portugal mak ne'e favor haree, se bele aselera prosesu fó pasaporte ba Timoroan sira ne'ebé iha direitu, tanba demora tebe-tebes," dehan Horta, iha Aeroportu Internasionál Nicolau Lobato, Komoro, horisehik.
Entretantu, Prezidente Portugal Marcelo de Rebelo Sousa hatete, Portugal agora arraska buka traballadór, Portugal mós agora traballadór laiha, entaun sira haree mós ba timoroan sira envez ba servisu Inglaterra bele servisu iha Portugál.
Maibé klaru Inglaterra selu boot liu, Portugal klima di'ak liu bele mós servisu iha Portugál, vensimentu di'ak kompara ho Timor kondisaun di'ak.
"Ha'u husu atu aselera prosesu nasionalidade, pasaporte sira mós haree oinsá, sei halo akordu billaetral ho Timor atu Portugál simu traballadór Timoronese iha Portugál," hatete Horta.
Nune'e, Prezidente Portugál Marcelo de Rebelo Sousa konkorda, maibé hanesan Portugál, Timor Prezidente bele rekomenda de'it, maibé nia hatete iha Portugál governu preparadu tiha ona, desizaun tiha ona atu simu traballadór, agora falta de'it sira halo enkuadramentu legál.
Horta esplika, akordu polítiku desizaun iha ona, agora hein de'it depois prosesu burokratiku buat sira ne'e la'o. Servisu iha Portugál ne'e uza pasaporte Timor akordu ida ne'e bele uza pasaporte Timor. Alende sira iha direitu pasaporte Portuges kontinua de'it direitu ida ne'e, se mak atu ba de'it pasaporte Timor tanba akordu ne'e aplika ba Timor, enkuantu pasaporte Timor.
Defende Joven Sira Servisu iha Li’ur
Prezidente Repúblika, José Manuel Ramos Horta hateten nia kontinua defende komprimisiu eleitorál joven sira bele ba servisu iha liur di'ak liu, la'ós tanba manán osan importante, maibé ba liur aprende buat barak.
"Ha'u kontinua defende ida ne'e, joven sira bele ba servisu iha liur di'ak liu, la'ós tanba manán osan importante, maibé ba liur aprende buat barak hanesan eskola ida, tinan lima ka tinan sanolu iha liur sira fila ema oin seluk ona, mentalidde," dehan nia.
Nia dehan, agora kontaktu daudaun ona nasaun Alemaña ho Repúblika Irlanda atu haruka joven sira ba servisu iha ne'eba.
"Ha'u agora kontaktu daudaun ona Alemaña ho Repúblika Irlanda, maibé liu-liu ho Alemaña atu haree sira bele fó kontratu atu Timoroan servisu iha Alemaña. Purtantu ha'u relasaun di'ak ho Governu foun iha ne'eba, ho Prezidente ha'u ko'alia ona ho sira. Sira agora haree daudaun semana ruma nia laran bele iha informasaun konkreta ruma," hatete nia.
Joven Sai Prioridade
Hafoin simu pose ba prezidente Repúblika, iha mandatu tinan lima nia-laran, José Ramos Horta, sei konkretiza mehi joven sira nian nu’udar planu prioridade dahuluk.
Tanba ne'e, Horta sei servisu makaas ho lider sira oinsá atu haree mehi joven sira nian nu’udar planu urjente hodi investe.
"Ha'u sei servisu makaas ho lider sira para haree prioridade nasionál mehi joven sira nian, ita tenke tane hanesan prioridade urjente atu investe dala ida durante ha'u nia mandatu" dehan nia.
Ramos hatete, espíritu unidade iha posivel konsiente hodi fó avizu atu ema labele halo aproveitamentu ba demokrásia TL ne'ebé sei frájiu.
