“Rezultadu votasaun ba Prezidensia Konsellu Ministru ho votu a-favor 39, abstensaun 20 no laiha votu kontra,”Online INDEPENDENTE sita iha komunikadu.
Enkuantu, Proposta Orsamentu PCM nian ba tinan 2023 ho totál dólar amerikanu $4.758.338 hodi finansia programa rua (2), subprograma ualu (8) no atividade 33, tuir klasifikadór orsamentál ne’ebé define iha Dekretu Governu N.º 19 /2022, husi loron 11 fulan-maiu.
Entretantu, prioridade neen (6) ba PCM nian mak hanesan, reforsa prinsipiu sira ba Boa Governasaun no jestaun institusionál, koadjuva Primeiru-Ministru iha koordenasaun Governu nian no Prezidénsia Konsellu Ministrus nian no promove no konsolida imajen no komunikasaun Governu nian.
Aleinde, informa sosiedade sivil kona-ba atividade no desizaun Governu nian no dezenvolve programa sira hodi promove sidadania, garante implementasaun ba politika lejislativa hodi aumenta lejislasaun ninia kualidade, simplisidade, sistematizasaun no asesibilidade no mós koordena implementasaun ba programa reforma ba transformasan no modernizasaun administrasaun públika.
Ho nune’e, kona-ba OJE 2022, to’o loron 10 fulan-novembru tinan 2022, PCM nia ezekusaun real atinje ona pursentu 71 (71%) no ezekusaun real ho obrigasaun atinje ona pursentu 78,3 (78,3%).
