Sexta, 25 Juñu 2021 | Login
Primeiru Ministru Taur Matan Ruak Halo Viajem ba Atauro ho Ró Tranship II Gresik, hamutuk ho Naimori no membru Governu Balun. Foto: Mariano/Independente. Primeiru Ministru Taur Matan Ruak Halo Viajem ba Atauro ho Ró Tranship II Gresik, hamutuk ho Naimori no membru Governu Balun. Foto: Mariano/Independente.

PM Taur Vizita Atauro, Akompaña Husi Naimori Featured

DILI:Primeiru Ministru Taur Matan Ruak, ohin tersa (11/06) vizita rai illa Atauro, akompaña husi Konseleiru Maximu KHUNTO Naimori no mós membru Governu balun.

Tuir observasaun husi Jornalista INDEPENDENTE nota katak, Xefe Governu ho Membru sira halo viajem ba Atauro ho Ró Tranship II Gresik.

Membru Governu ne’ebé akompaña Taur Matan Ruak mak, Ministru Administrasaun Estatal (MAE) Miguel Pereira de Carvalho, Vise-Ministru Interior Antonio Armindo, Sekretariu Estadu Protesaun Sivil (SEPS) Joaquim Gusmão dos Reis, Komandu Jeral Polisia Nasional Timor-Leste (PNTL) Faustino da Costa, inklui Konseleiru Maximu Partidu KHUNTO José dos Santos "Naimori Bukar".

Entretantu, iha loron hirak liu ba Ministru Transporte Komunikasaun (MTK) José Agustino da Silva hatete, Ró-ahi Traship II Gresik ne'ebé kontratu husi Indonezia priense rekezitus no hetan ona pedidu hodi halo movimentu dahuluk, tula Xefe Governu Taur Matan Ruak ho ninia kometiva sira halo vizita traballu ba Atauru.

Ministru haktuir, antes nia atu halo operasaun, nia tenki hetan inspesaun husi orgaun kompetente, Diresaun Nasionál Transporte Maritima, sira halo ona inspesaun atu haree Ró nia kondisaun diak kalae, dokumentu sira valida ka invalida, bainhira konklui ona knar ida nee, relatoriu tekniku inpesaun iha, entaun sira rekomendasaun Ró ne’e seguru atu bele movimentu tula sidadaun liu-liu ba rai Oekusse no Ataruro.

Tuir loloos Ró ne’e halo ona movimentu, tanba hetan uluk pedidu husi Sekretariu Estadu Protesaun Sivíl (SEPS) atu transporta apoia umanitari liga ba dezastre naturais nian atu ba Atauru, maibé hetan fali impedementu husi instituisaun estadu nian balun, tanba nee seidauk halo movimentu, mais fixu ona loron 11 fulan Juñi sei movimentu uluk ba Atauru.

“Liga ba pergunta sira halo ona atividade movimentu kalae, iha loron rua liu ba kotuk pedidu ida Sekretariu Estadu Protesaun Sivíl, atu transporta apoia umanitaria ba populasaun iha Atauru, maibé impedimentu ruma husi parte instituisaun estadu nian balun, entaun la konsege ba. Iha mós pedidu ida, hau simu Primeiru Ministru rasik hanesan mós Ministru Interior ho Komisariu Komandu Jeral Polisia Nasionál Timor-Leste ho kometiva iha loron 11 fulan Juñu vizita traballu ba Atauru, entaun hau orienta kedas prezidente Aportil ho diresaun nasional transporte maritima oinsa koordena fasilita viajen traballu xefe Governu nian,” dehan Jose Agustino, hafoin hasoru malu Primeiru Ministru, Taur Matan Ruak, iha Rezidensia Farol, Tersa (08/06).

Governante nee akresenta, vizita traballu xefe Governu nian nee ba iha loron 11 too loron 12 fulan Juñi mak fila husi Atauru mai Dili, hafoin ida nee sei halo mós movimetu ba Oekusse, objetivu kontratu ró nee mai atu halu sirkulasaun ba iha rai rua.

“Nee klaru ona katak iha pedidu neebé hau simu horisehik segunda, horikalan kedas hau orienta kedas halo preparasaun oinsa mak fasilita vizita traballu xefe Governu nian,” tenik nia.

Nuudar Ministru kolabora sein pursentu, kualker momentu atu partila informasaun, se buat ruma ladiak hanoin prosesu bele lao, maibé atendimentu públiku ne’e mós tenki lao nafatin, funsionamentu estadu nian aseguradu nafatin.

“Estadu sei la hein problema nee rezolve lai mak nia foin funsiona nee lae, atendimentu públiku lao, prosesu lao iha parte sorin, importante mak ita iha vontade tomak atu bele kolabora hodi koopera, prosesu neebé mak lao hanesan  hau komprometidu sein pursentu, oinsa atu kolabrora,” dehan nia.

Iha situasaun ida ne’e iha hanoin balun dehan laiha nesesidade atu Governu aluga ró, parte sorin diretór Suksesu hatoo karta mai katak nia prepara atu ba dokin, kuandu ba ona mak movimentu maritima ne’e fakum ona, laiha ró ida atu halo atendimentu, tanba ne’e governu kontratu ró Trasip II Gresik mai hodi substitui.

 

Jornalista: Mariano Mendonca 

Asistente Editor: Saturnina da Costa

Read 1641 times
Rate this item
(0 votes)