Sexta, 25 Juñu 2021 | Login
Tabela hatudu kazu foun rezista iha kada munispiu. Tabela hatudu kazu foun rezista iha kada munispiu.

Covid-19: Kazu Foun 140, Dili Kontinua Aumenta Kompara ho Munisipiu Seluk Featured

DILI:Sala Situasaun Sentru Integradu Jestaun Krize (SIJK) ohin (10/06) relata, kazu foun 140, kompostu husi Dili 100, Baucau 17, Bobonaro 2, Covalima 1, Lautem 9 no Vikeke 11.

Tanba ne’e, Dili kontinua aumenta ho numeru bo’ot kada loron, kompara ho munisipiu sira seluk.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, total kazu detetadu hirak ne’e ho idade 12 mai kraik iha na’in 1, idade 12-59 iha na’in 130 no idade 60 ba leten iha na’in 9.

“Proporsaun kazu sintomatiku hamutuk pursentu 4,2,”dehan nia iha komunikadu, kinta ohin.

Nune’e, dadus jeral ba loron ohin, iha kazu foun 140, rekuperadu 190 no kazu ativu iha izolamentu no auto-izolamentu hamutuk 1,748.

Enkuantu, komulativu kazu konfirmadu ho total hamutuk 8,113.

Ho nune’e, husi horseik (09/06) mai ohin teste PCR ne’ebé Laboratorium Nasional Saúde halo iha Dili hamutuk 1,005 kompostu husi, Vijilansia sentinel 16, Contact tracing 13, Random Screening 239, Viajem sai husi serka sanitaria Dili hamutuk 729, Viajem internasional 5 no follow up iha kuarentena hamutuk na’in 3.

Total PCR ne’ebé halo horseik (09/06) iha Munisipiu sira seluk, RAEOA no HNGV hamutuk  622 ho detalle hanesan, Baucau 127, Maliana 27, Ermera 77, Maubisse 100, Suai 131, RAEOA 17, Vikeke 33 no HNGV 110.

Entretantu, iha izolamentu Vera Cruz ohin halo tratamentu ba kazu detetadu hamutuk na’in 24.

 

Asistente Editor: Saturnina da Costa

Read 155 times
Rate this item
(0 votes)