Sexta, 25 Juñu 2021 | Login
Ró Tranship II Gresik ne’ebé tula Primeiru Ministru Taur Matan Ruak, susar atraka iha Portu Atauro durante iha oras rua nia laran. Foto:Mariano/Independente. Ró Tranship II Gresik ne’ebé tula Primeiru Ministru Taur Matan Ruak, susar atraka iha Portu Atauro durante iha oras rua nia laran. Foto:Mariano/Independente.

Ró Tranship II Susar Atraka Iha Portu Atauro Featured

DILI:Ró Tranship II Gresik ne’ebé tula Primeiru Ministru Taur Matan Ruak, susar atraka iha Portu Atauro durante iha oras rua nia laran.

Ró ne’e halo movimentu dahuluk ba Atauro hodi tula Xefe Governu no membru Governu balun, inklui Konseleiru Maximu Naimori Bukar, iha oras 07:50  sesta ohin (11/06), to'o iha portu Ataúru iha oras 12:00.

Tuir observasaun Jornalista INDEPEDENTE iha fatin refere nota, Ró atraka ladiak no hetan ajuda husi Ró kiik balun ne’ebé para hela iha portu Atauro.

Nune’e, Xefe Governu nafatin iha Ró laran hein hodi tun.

Enkuantu, Ró ne’e halo movimentu husi Dili ba Atauro kuaze oras hat nian laran.

Ho nune’e, Ministru Transporte Komunikasaun (MTK), José Agustinho deklara katak, Ró Tranship II ne'ebé aluga husi Indonezia nia kondisaun di’ak no bele halo ona movimentu, tanba Diresaun Nasional Transporte Maritima halo ona inspesaun katak, Ró ne’e seguru atu bele tula sidadun sira movimentu ba Oekuse no Atauro.

Entretantu, molok ne’e, Komisaun Anti Korupsaun (CAC) halo ona inspesaun ba Ró Tranship II, hatudu katak, Ró ne’e nia produsaun iha tinan 2007 no kondisaun oli sulin hela.

Aliende, lampu sira mós kesi ho tali rafia no AC at, uza fali AC uma nian.

Ró ne’e aluga husi Governu liu husi MTK kada fulan rihun $ 220.

 

Jornalista: Mariano Mendonça

Asistente Editor: Saturnina da Costa

Read 766 times
Rate this item
(0 votes)