"Agora ita atu extende tan husi janeiru to'o tan abril tinan ne'e, agora ita nia diploma ministerial ne'e haruka ba tiha ona iha parte MSSI nian, hodi bele asina hotu, Ita atu aumenta tan pagamentu ba Traballadór no Emprezariu ba Fulan ha'at", dehan nia ba Online INDEPENDENTE iha nia kna'ar Fatin, INSS-kaikoli, segunda nee (28/03).

Nia esplika, razaun estende tan, atu Trabalhador no Emprezariu ne'ebé antes ne'e  simu ona bele kontinua no sira ne'e seidauk, simu ida uluk nia lai, hafoin kontinua simu tan ho ida estende ne'e.

"Ita simu no rejistu agora konforme ita nia diploma ministerial ne'ebé ami prepara haruka ba parte MSSI ne'e hodi loke tan atu rejistu, tanba Traballadór balun horseik (27/03) mai husu ona bainhira mak atu loke," nia dehan.

Enkuantu, Governu liu husi reuniaun Konsellu Ministru, antes ne'e aprova ona projetu Dekretu lei hodi fo apoiu tan ba Traballadór no Emprezariu ne'ebé lakon rendimentu durante Covid-19, apoiu ne'e durante fulan tolu hahú husi Janeiru to'o marsu tinan ne'e.

Nia dehan, apoiu ba Traballador no Emprezariu iha tinan 2021 atinji ona pursentu 80% halo pagamentu, tanba ita halo lista hahú husi ida, rua, tolu, no agora tama ona ba lista sia. hela lista rua hodi bele konkliu ona pagamentu refere.

"Depois pagamentu uluk ne'e hotu ona, ita kontinua tan ho ida extende tan ba fulan ha'a,  husi janeiru to'o abril tinan ne'e", tenik nia.