Ministu dehan, EDTL- I,P liu husi sira nia pajina anunsia ona programa planeadu ba suku 34, maibé suku haat sira mak implementa rasik, suku 30 mak fó sai ba aprovijionamentu hodi prosesu.
Nune’e, espera katak fulan ida ka rua bele konklui no halo mobilizasaun ba suku sira komesa husi liña eletrifikasaun ba suku ne’ebé seidauk hetan.
“Hanesan ita bo’ot sira hatene suku 76 ne’ebé seidauk asesu, se ita halo ona 34 restante sei prepara hela dezeñu, iha ekipa rua ne’ebé prepara hela prosesu ba restantes suku 42 ne’e, tuir planu prerativus dezeñu hotu ita bele fó sai iha fulan-Agustu ba Setembru, sedu liu iha Jullu, siginfika esforsu sira ita halo ne’e sei promove projetu 76 iha tinan ne’e, klaru katak, iha preparativus servisu barak tenke hala’o atu bele realiza ita nia planu ba suku 34 ne’ebé fó sai ona no hein fali 42 ne’ebé iha hela prosesu atu estabelese nia dezeñu,” dehan nia iha Palasiu Governu, (26/05).
Enterantu Orsamentu ba projetu eletrisidade suku 34 ne’e kuaze hamutuk dolar amerikanu milliaun $10.
“Ita foin dadauk ne’e se la sala ita iha orsamentu kuaze dolar amerikanu $ 10, maibé projetu ne’e ita halo signifika katak multi annual, se implementa hotu ita selu restante ne’ebé seidauk iha, haú hanoin tempu ne’ebé iha, sira sei care over maske sira hahú prosesu aprovijionamentu kontratasaun iha tinan ne’e. Suku sira ne’e kuaze teritoriu tomak hamutuk 76 mak seidauk hetan”. Tenik nia.
Nune’e Governu sei halo esforsu hodi bele finaliza projetu eletrifikasaun nasionál. Ba área rurál ne’ebé dook husi liña distribuisaun enérjia eletrisidade, Governu liuhosi EDTL,E.P kontinua halo esforsu hodi fornese solar pánel ba komunidade sira.
Asistente Editor: Saturnina da Costa
