Kuarta, 20 Outubru 2021 | Login
Reiuniaun Konsellu Ministru (26/05), diriji husi Vise-PM dahuluk Armanda Berta dos Santos, iha salaun auditorial Ministeriu Finansas, Aitarak-Laran Dili. Foto:Gab.MAPKONS Reiuniaun Konsellu Ministru (26/05), diriji husi Vise-PM dahuluk Armanda Berta dos Santos, iha salaun auditorial Ministeriu Finansas, Aitarak-Laran Dili. Foto:Gab.MAPKONS

Governu Extende SS Iha Munispiu Tolu To’o 1 Juñu Featured

DILI:Governu liu husi reuniaun Konsellu Ministru (KM) deside extende serka sanitaria iha Munisipiu Dili, Baucau no Covalima.

“Hafoin analiza aprezentasaun husi koordenadór Sentru Integradu ba Jestaun Krize (SIJK) kona-ba pontu situasaun epidemiolójika iha Timor-Leste, Konsellu Ministrus aprova ona projetu sira Rezolusaun Governu nian ne’ebé mantein impozisaun serka sanitária iha Munisípiu Baucau, Covalima, Dili, to’o oras 23:59 loron 1 fulan-Juñu tinan 2021,”dehan  Ministru Prezidensia Konsellu Ministru, Fidelis Leite Magalhães, iha salaun Ministériu Finansas, Aitarak-Laran Dili, kuarta ohin (26/05).

Aliende, Governu mós deside atu impoin serka sanitaria iha Munispiu Bobonaro no vikeke iha oras 00:00 loron 27 fulan-maiu to’o  oras 23:59 loron 1 fulan-Juñu tinan 2021.

Entretantu iha Kapital Dili nafatin mantein impozisaun konfinamentu obrigatóriu iha Munisípiu Dili to’o oras 23:59 loron 1 fulan-Juñu tinan 2021.

Nune’e, nafatin bandu sirkulasaun ema entre Munisípiu Dili Baucau, Bobonaro, Covalima, Dili no Vikeke no sirkunskrisaun administrativa sira-seluk.

Exetu iha kazu hirak ne’ebé nia fundamentu forte tanba razaun seguransa públika, saúde públika, asisténsia umanitária, manutensaun husi sistema sira abastesimentu públiku, ka razaun seluk ne’ebé presiza atu hala’o ba interese públiku nian.

 

Asistente Editor: Saturnina da Costa

Read 754 times Last modified on Kuarta, 26 Maiu 2021 16:59
Rate this item
(0 votes)