Tersa, 28 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-27&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Familia vitima inundasaun iha sentru evakuasaun 4 de Setembru UNAMET Balide Dili, hein hela atu SEPS atu re-integra ba sira nia hela fatin anterior. Foto: Saturnina/Independente. Familia vitima inundasaun iha sentru evakuasaun 4 de Setembru UNAMET Balide Dili, hein hela atu SEPS atu re-integra ba sira nia hela fatin anterior. Foto: Saturnina/Independente.

SEPS Re-Integra Familia 60 Iha Sentru Evakuasaun 4 de Setembru-Balide Ba Hela Fatin Featured

DILI:Sekretariu Estadu Protesaun Sivil (SEPS), re-integra familia 60 ne’ebé afetadu husi inundasaun, iha sentru evakuasaun 4 de Setembru UNAMET Balide Dili ba sira nia hela fatin.

Diretór Nasionál ba Jestaun Risku no Dezastre, Agostinho Cosme Belo hatete, bazeia ba rezultadu dialogu ne’ebé protesaun sivil ho parseiru sira fasilita, hodi deside re-integra fali familia sira ba nia hela fatin.

“Ohin ita mai iha ne’e ofisialmente ita taka sentru evakuasaun 4 Setembru Balide. Nune’e, bainhira familia sira sai, protesaun sivil ho parseiru sira fó apoiu aihan no laos aihan ba familia 60,”dehan nia ba jornalista sira iha serimonia re-integra familia vitima, iha sentru evakuasaun 4 Setembru UNAMET-Balide Dili, kuarta ohin (26/05).

Nia hatutan, apoiu ne’ebé atu fó ba vitima sira mak hanesan, fós, mina, aihan kiik seluk, sasan dapur nian no sasan ba feto no labarik.

Aliende, familia na’in 60, iha mós ema na’in 339  ohin re-integra hotu ba sira nia hela fatin anterior.

Nia akresenta, vitima sira ne’ebé hetan uma estragus iha ona kategoria, asesmentu ho verikasaun no iha prosesu aprovasaun, bainhira fila, tempu badak protesaun sivil sei apoiu material konstrusaun ba sira.

“Hanesan ita hotu akompaña, ita hahú fahe ona material konstrusaun ba Suku Bemori no Balibar, tanba ne’e, ohin kontinua halo verifikasaun ba dadus sira”,tenik nia.

Entretantu, tuir dadus inisiu, sentru evakuasaun iha nivel nasionál hamutuk 53, nune’e ida ne’ebé sei ativu hamutuk 12, no ohin ida ne’e taka tan hela 11.

Total populasaun iha sentru evakuasaun 12 hamutuk 354 familias ho membrus hamutuk 541.

Ho nune’e, total familia vitima sira ne’ebé hetan ona apoiu emerjensia iha nivel nasional hamutuk rihun 14 hanesan ho pursentu 55 hetan ona apoiu emerjensia. No sira ne’ebé seidauk simu hela pursentu 45 hanesan ho familias hamutuk rihun 14,427 agora iha proseseu planeadu.

 

Asistente Editor: Saturnina da Costa

Read 106 times
Rate this item
(0 votes)