Nia dehan, atividade ne'e iha lista kompras ne'ebé uza hanesan referensia hodi halo kontratu ho kompañia sira.

"Benefisiáriu sira bele hare ba lista hodi konfere ho folin material ne'ebé iha ka bazes nia laran, ida ne'e mak ita bele hatene folin to'o ka la to'o, ita labele ko'alia la hare iha lista. Lista mak sai hanesan referensia atu hatete folin sasan ne'e to'o ka la to'o, hanesan Ministru ne'ebé koordena programa ida ne'e kontinua enkoraja kompañia sira atu halo servisu kumpri kontratu ne'ebé iha, nune'e bele hetan justisa entre benefisiariu sira,” dehan Joaquim Amaral ba jornalista sira hafoin remata enkontru ho Prezidente Repúblika, José Ramos Horta iha Palasiu Prezidensiál Bairu-Pite, (11/07).

Antes ne’e, informasaun ne’ebe publika iha media sosial liu husi ID facebook ho naran, Francelino Reis da Camara katak, grupu dominante sira ne'ebé fahe projetu sesta bázika folin la to'o $ 50.

Maske iha item dehan, kada ema ida simu sasán ho folin $ 50, maibé benefisariu balun simu la to’o ida ne’e, tan ne'e husu ba Komisaun Anti Korrupsaun (KAK) tenke tau atensaun.