Sexta, 24 Setembru 2021 | Login
Diretóra UKAE-MESSK Amelia da Silva Araújo asina akordu ho veteranus nia oan na'in 47 hodi hetan subsidiu ba sira nia estudu. Foto:Agustino/Independente. Diretóra UKAE-MESSK Amelia da Silva Araújo asina akordu ho veteranus nia oan na'in 47 hodi hetan subsidiu ba sira nia estudu. Foto:Agustino/Independente.

MESSK-UKAE Selebra Akordu ho Veteranus Nia Oan 47 Hodi Ba Estudu Featured

DILI: Ministeriu Ensino Superior Siensia no Kultura (MESSK) liu-husi Unidade Koordenasaun Apoia Estudante (UKAE) selebra akordu ho veteranus nia oan na’in 47 ne'ebé estuda iha Universidade rai laran no rai liur.

Nune’e, akordu ne’e realiza hodi fó apoiu subsidiu ba estudante sira nia estudu.

“Estudante na’in 47 ne'ebe asina ona kontratu ho UKAE, kompostu husi eskola iha Indonezia na’in 1, Postugal na’in 2 no na’in 44 husi eskola Universidade iha rai laran,” dehan Diretóra UKAE-MESSK Amelia da Silva Araújo

Enkuantu, orsamentu ne’ebé aloka ba iha subsidiu ne’e hamutuk dolar amerikanu U$60.

Estudante ne’ebé asesu ba subsidiu ne’e, tenki priense rekezitu hanesan, estudante Timor-Oan ne’ebé iha karta ativu ba eskola Universidade.

Nune’e, kada estudante tenke aprezenta sira nia rezultadu Index Prestasaun (IP), ezemplu sira ne'ebe estuda iha siensia naturais nia valor tenke 2,75 no siensia sosiais tenke 3 virgula.

Enkuantu, estudante sira ne’ebé laprienxe rekezitu ne'e Ministeriu sei hapara subsidiu ba sira.

Nia akresenta subsidiu sira ne'e la permanente depende ba notas ne'ebé sira rasik produz, tanba ne’e, bainhira termina ona sira nia estudu Governu mós sei hapara subsidiu ne’e.

Entretantu, Anjelia Amaral hanesan estudante finalista Fakuldade Edukasaun Departamentu lian Portugués iha Universidade Oriental hatete, subsidiu ne'ebé nia hetan atu apoia ba nia preparasaun hodi finaliza nia estudu iha Universidade.

Tanba ne’e, nia agradese ba Governu liu-liu MESSK ne’ebé ajuda ona sira.

"Ha’u agradese tebes ba Ministeriu Ensino superior Siensia no Kultura (MESSK) ne'ebé ohin realiza ona asinatura entre ami ho UKAE, tanba subsidiu ne’ebé ha’u hetan bele ajuda ona ha’u hodi ona finaliza ha’u nia estudu iha tinaniIda ne'e,"dehan nia.

Enkauntu, Veteranus Acasio Maris reprezentante inan-aman husi estudante benefisiariu sira agradese ba governu tanba subsidiu ne'ebé MESSK fó hakman ona difikuldade ne'ebé sira enfrenta durante sira nia estudu.

Tuir nia, durante tempu naruk sira rekoñese hasoru problema ho finanseiru, tanba ne’e ho ho apoia ida ne’e oan sira bele susesu iha future oin mai.

 

Asistente Editor: Saturnina da Costa

Read 239 times
Rate this item
(0 votes)