Tuir Ministru Interior, Francisco da Costa Guterres, hatete, Governu hasai ona despaixu hodi identifika membru PNTL ho F-FDTL ne’ebé envolve iha arte marsiál, nune’e iha tempu badak sira halo juramentu ba bandeira RDTL atu servi deit estadu no nasaun.

“Despasiu sira sai tiha ona hodi indetifika sira agora para depois  iha loron boot ida, sira mai halo Juramentu ba bandeira RDTL no sira tenke desvenkula ka desliga sira nia an husi grupu arte marsiais,” dehan nia ba Jornalista sira hafoin partisipa iha reuniuan Konsellu Ministru, iha Palasiu Governu, (08/11).

Governante ne’e haktuir, tuir planu membru PNTL ho F-FDTL sira ne’ebé envolve iha arte marsiais sei halo juramentu iha loron 28 fulan-Novembru tinan ne’e.

Nia haktuir, hafoin membru sira ne’e halo juramentu sei entrega hotu atributu arte marsiais nian.

Entretantu, Rekorda katak, Primeiru Ministru mós fó ona ultimatu ka xamada ba membru PNTL sira ne’ebé durante ne’e jura ba grupo arte marsiál.