Pedidu aumente montante orsamentu merenda eskolar ne’e, tanbá agora daudaun produtu lokál folin sa’e makas iha oecusse, ho ida ne’e difikulta tebes estudante sira nia merenda eskolar.
“Ami husu bá MEJD hodi hasa’e montante Orsamentu merenda eskolar nian maizumentu tenke sa’e bá 30 sentavus ka 0,45 sentavus, nune’e bele fasilita netik estudante sira nia merenda eskolar ho di’ak,” Diretór EBC Palaban, Vincencio Cono hateten via telefone, Segunda (30/05).
Bainhira governu la aloka fós bá iha eskola, entaun tenke tau Item seluk hodi sosa produtu lokál, nune’e bele hasa’e tan nia montante husi, 0.25 sentavus bá 50 sentavus tanbá agora daudaun produtu lokál folin sa’e.
Orsamentu bá programa merenda eskolar nian ne’ebé aloka bá EBC Palaban hamutuk $4.128, husi orsamentu ne’e sei implementa durante loron 24 no estudante hamutuk 668.
Molok ne’e, Ministru Edukasasaun Juventude no Desportu (MEJD) Armindo Maia informa ona katak, MEJD aumenta ona orsamentu merenda eskolar husi 0,25 sentavus bá 0,45 sentavus kada estudante.
