Tuir Ministru Edukasaun Juventude no Desportu, Armindo Maia, hateten, la'os foin dahuluk, MEJD halo akordu koperasaun ho Nova-Zelandia, maibé desde inisiu kedas sira hahú apoiu Timor-Leste iha área edukasaun no programa pre-eskolar.
"Ohin ita asina akordu koperasaun ida, ba programa eskola iha uma, ne’ebé servisu hamutuk ho Nova-Zelandia, ho intensaun oinsa mak ita bele aselera lalais prosesu eskola iha uma,” dehan nia iha Salaun MEJD, Vila Verde, kinta ne’e (10/11).
Nia hatutan, osamentu ba programa ne'e mai husi tranferensia publika hamutuk millaun U$1.6.
Iha fatin hanesan, Embaixadór Nova-Zelandia iha Timor-Leste, Philip Hewit, agradese ba Ministeriu Edukasaun Juventudi no Desportu ho ekipa, ne’ebé pronto servisu hamutuk ho Emabaixadór NovaZelandia iha área edukasaun nian.
