Tuir  Xefe Suku Serelau, Dionizio Soares, hateten, iha suku refere hetan UKL tolu, no kada uma ida hetan orsamentu ho montante dolar amerikanu rihun $17.

Nune’e, UKL tolu ne’e, gasta ona orsamentu hamutuk rihun $51.

“Konstrusaun Uma Kbiit La’ek ne’e, sei falta odamatan, liña elestridadde mak seidauk monta, ne'ebé sei tarde uitoan no mós sei hein monta odamatan rampa iha oin,”dehan nia ba Online INDEPENDENTE, via telephone, tersa (08/11).

Enkuantu, ba sasan uma laran nian, hanesan kama, armari no mós sasan seluk, Xefe Suku ne’e dehan, sasan seidauk mai tanba konstrusaun seidauk hotu, bainhira konstrusaun hotu mak foin laran sasan mai tau iha uma laran.

Entretantu, benefisariu ba UKL faze dahuluk mak hanesan, Abel Miranda, Bosco Barros no Matias Nunes. Sira ne’e hotu husi Aldeia Ra’anu.

Enkuantu, iha Suku Serelau, iha aldeia tolu mak hanesan, Ra’anu, Adavari no poru-Vari ho nia komunidade hamutuk 1.732, totál Uma-kain iha 353.