Ministru Negosiu Estranjeiru Kooperasaun (MNEK) Dionisio Babo informa Timor-oan ida pozitivu ba Covid-19, identifika iha Otel balun iha Dili laran ne'ebe foin fila husi rai liur iha loron 1 fulan-Abril ne'e.

"Ohin aviza ona Timor-oan Ida mai husi liur iha loron 1 Fulan-Abril tama iha kuarentena iha otel ida horikalan detekta pozitivu ona,"dehan Ministru Negosiu Estranjeiru Kooperasaun, Dionisio Babo iha CCD,(10/04).

Governanante ne’e realsa, agora dadaun Sentru Integradu ba Jestaun Krize buka hatene durante ne'e timor-oan ida ne’ebé positive kontakta ho se,atu halo teste.

“Ita tauk sira halo ligasaun no ema seluk bele alasta ba ema seluk,, tanba ne’e husu ba maluk Timor-oan hotu atu koopera labele tuur iha dalan dalan,”MNEK ne’e husu,

Nia husu ba abitante sira atu toba sedu, labele, tuur hamutuk iha dalan nini provoka kaer liman too sigaru ba maluk bele daet lais no tendensia ba ema seluk lais liu.

Entretantu, loron Kinta horsehik,portavoz Sentru Integradu Jestaun Krize (SIJK), Odete da Silva Viegas relata katak sidadaun sira ne’ebé oras ne’e sai suspeitu ba Corona Virus (COVID-19), iha Timor-Leste sa’e ona ba ema na’in 50.

Atulizasaun dadús iha loron sia fulan-Abril, total ema ne’ebé hala’o konfinamentu obrigatoriu hamutuk ema na’in 984, husi númeru ne’e iha Dili hamutuk na’in 820 no, iha munisipiu 130.

Konfinamentu volontariu iha Dili hamutuk ema na’in sia no iha munisipiu na’in 25.

“Suspeitu ba COVID-19 horisehik na’in 49, maibé ohin aumenta na’in ida, entaun ohin loron suspeitu sa’e ona ba na’in 50,” dehan nia, liu husi konferensia impresa, iha CCD, horsehik, (9/4).