Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Labarik sira iha sentru evakuasaun 4 de Setembru UNAMET-Balide Dili, hala'o hela atividade sira hanesa, estuda, pinta no hakerek. Foto: Saturnina/INDEPENDENTE. Labarik sira iha sentru evakuasaun 4 de Setembru UNAMET-Balide Dili, hala'o hela atividade sira hanesa, estuda, pinta no hakerek. Foto: Saturnina/INDEPENDENTE.

KNDL Husu SEPS Resolve Labarik 100 Resin Hela iha Sentru Akollamentu Manleuana

DILI: Komisaun Nasional Direitu ba Labarik (KNDL), Dinorah Granadeiro, hatete, tuir dadus ne’ebé KDNL rejista labarik hamutuk na'in atus ida resin mak hela iha sentru akollamentu Manleuana. Nune’e, husu ba Sekretariu Estadu Protesaun Sivil (SEPS) bele buka solusaun hodi resolve labarik hirak ne'e.

Enkuantu, haree ba situasaun iklima dadaun ne’e, tama ona ba tempu udan, nune’e sei sai risku bo’ot liu tan ba labarik sira.

"Ami hatene iha sentru akollamentu Manleuana kuaze labarik hamutuk 100-resin mak hela iha ne’ebá,”dehan nia ba Online INDEPENDENTE iha Eskola Sekundariu Jéral 05 de Maio Becora, tersa horseik(19/10).

Ho nune’e, KNDL espera, Governu liu-hosi Sekretaria Estadu Protesaun Sivil (SEPS) bele rezolve ona situasaun ba labarik sira.

"Ami mós espera katak Governu liu-liu Sekretaria Estadu Protesaun Sivil iba tempu badak bele rezolve situasaun ida-ne’e, tanba ita hatene katak udan mós besik ona mai no risku ba sira bainhira kontinua hela iha fatin sira hanesan ne’e,”tenik nia.

Nia hateten, bainhira hetan informasaun kona ba labarik sira iha sentru akollamentu, KNDL halo kedan kordenasaun ho ministeriu relevante sira ne’ebé iha responsabilidade atu proteje labarik sira.

Enkuantu, KNDL hamutuk ho ekipa MSSI, UNICEF, SEII sei kontinua halo monitorizasaun ba labarik sira ne’ebé nafatin hela iha sentru akollamentu.

Entretantu, tuir dadus, total labarik sira ne’ebé sai vitima ba iha inundasaun, ne’ebé akontese iha loron 4 fulan-Abril tinan 2021 hamutuk rihun 2 resin.

 

Asistente Editor: Saturnina da Costa

Read 120 times
Rate this item
(0 votes)