Enkuantu, akordu ida mak ba finansiamentu ho Australia no Export Finansa Australia kona ba projetu “Timor-Leste Airport Facilities Project”.
“Akordu ne’e prevee kontribuisaun finaseira ida, Autralia nian ba Timor-Leste, ho valór hamutuk dolar amerikanu millaun U$28,36 no kontratasaun empréstimu ho valór dolar amerikanu millaun U$45, ho períodu maturaridade tinan 25, hodi finansia projetu dezenvolvimentu Aeroportu Internasionál Prezidente Nicolau Lobato,”dehan Ministru Finansas, Rui Augostu Gomes, liuhusi konferensia imprensa, iha Palasiu Governu, sesta ne’e (02/12).
Nia hatutan, akordu seluk mak kontribuisaun finanseiru ho Ajensia Kooperasaun Internasional ho Japaun (JICA-Sigla Inglés), kona ba projetu “Improvement of Equipment for Disaster Risk Reduction and Recovery”.
“Akordu ida-ne’e prevee kontribuisaun finanseira, JICA ba Timor-Leste ho valor dolar amerikanu millaun 801 ienes (besik dolar amerikanu millaun U$5,7), hodi finansia akizisaun ba beins no servisus hodi hadi’a ekipamentu ba redusaun risku dezastre no rekuperasaun,”nia hato’o.
Aleinde, nia dehan, akordu seluk tan mak ba kontribuisaun finanseira ho Banku Mundiál kona-ba projetu “Timor-Leste Covid-19 Response and Health System Preparedness”.
Entretantu, akordu ida-ne’e prevee kontribuisaun finanseira husi Banku Mundial ba Timor-Leste, ho valór dolar amerikanu millaun U$5, hodi finansia implementasaun ba programa vasinasaun kontra Covid-19 no hasa’e kapasidade ba sistema saúde nian ba preparasaun ba emerjénsia sanitária no fornesimentu ba servisu saúde esensiál sira.
