Kordenadór Forsa Tarefa ba Prevensaun no Mitigasaun Surtu Covid -19 iha Timor-Leste, Rui Maria de Araujo informa katak, amonstra ne’ebé foti iha loron 10 to’o 11 fulan marsu hamutuk 132.
Horseik relata ona katak 37 mak sei hein rezultadu husi laboratorium, nune’e ohin relata, numeru 37 ne’e negativu hotu.
“Husi kazu konfirmadu na’in 2 ne’ebé horseik ekipa vijilansia sintenela relata ona nune’e ekipa konjunta saude rekolla tan amostra hamutuk 119, husi amostra ne’e deteta na’in 4 mak positivu, sira ne’e kontaktu besik ho kazu konfirmadu ida ne’ebé hala’o estajiu iha Ospital Referal Eduardo Ximenes (HOREX), enkuantu sira ne’e hotu professional saude iha sentru saude wailili.”dehan nia liu husi Zoom Call (14/3)
Entretantu iha munisipiu Baucau iha Cluster rua, kompostu husi Cluster Kaibada ne’ebé deteta na’in 2 positivu, ida iha loron 2 no ida fali iha loron 13 fulan marsu.
No Cluster ida seluk, Cluster sentru saude wailili, kazu detetadu na’’in 4.
SIJK kontinua husu ba populasaun iha Dili laran tomak atu nafatin kalma, lalika pániku, hela deit iha uma wainhira laiha nesesidade atu halo movimentu bá-mai, pratíka nafatin medida sira ne’ebé ita hotu hatene ona:
- a) Uza máskara
- b) Fase liman bebeik ho sabaun ka dezinfetante ruma
- c) Wainhira kumprimenta malu, lapresiza kaer-liman, bensa-liman, rei-malu ka haku’ak malu
- d) Evita halibur malu barak
- e) Hamri’ik ka tur dook husi ema seluk, mínimu metru ida ho balu
