Kuarta, 20 Outubru 2021 | Login
Regras prevensaun estadu emerjensia Covid-19. Regras prevensaun estadu emerjensia Covid-19.

Kazu Foun Covid-19: Dili Na'in 6, Na'in 2 Husi Baucau Featured

DILI: Sala Situasaun Sentru Integradu Jestaun Krize (SIJK) relata katak, loron Sabado ohin rezista tan kazu foun na’in 8, na’in 6 husi kapital Dili no na’in 2 husi Munisipiu Baucau.

Kordenadór Forsa Tarefa ba Prevensaun no Mitigasaun Surtu Covid -19 iha Timor-Leste, Rui Maria de Araujo informa katak, progresu atividade prevensaun no mitigasaun surtu Covid-19 iha munisipiu Dili, hahú husi Sesta horsehik (12/3) to’o mai sabado ohin (13/3), amostra ne’ebé rekoilla iha atividade buka tuir kontaktu besik no mós vijilansia sintinela iha tan kazu positivu na’in 6 husi Dili no na’in 2 husi munisipiu Baucau.

Kazu positivu 2 husi aldeia Lurumata, suku Madohi, ne’e kontaktu besik ho sira nia familia uma laran, kazu positivu 2 seluk mak professional saúde ne’ebé halo formasaun Emergency Obstetrics and Neonatal Care (EMOC) iha HNGV, sira na’in rua kontaktu besik ho professional saúde ida ne’ebé halo formasaun mós iha HNGV.

Kazu positivu na’in 1 rezultadu husi rastreiu aleatoriu iha aldeia Terra Santa no kazu positivu 1 tan labarik ho idade tinan 1 fulan 8 ne’ebé deteta iha sala izolamentu hamutuk ho nia inan ne’ebé positivu ona.

Kazu positivu na’in 2 ne’ebé positivu iha munisipiu Baucau, na’in ida estudante medisina ne’ebé halo estajiu iha Óspital Referensia Eduardo Ximenes Baucau (HOREX), kazu positivu ne’e kontaktu besik ho professional saude ne’ebé anunsia ona iha loron 10 fulan marsu.

Enkuantu kazu positivu estudante ne’e nia hela iha Dili, aldeia Monumentu Kalma, suku Lahane Oriental, Postu Administrativu Na’in Feto.

Kazu postivu ida seluk husi Baucau ne’e mós eskola iha ICS, kazu positivu ne’e nia hela iha Dili, aldeia Fomentu 3, suku Comoro. Nia sai husi Dili ba Baucau iha loron 8 fulan marsu.

Ho nune’e, nia ba Baucau hela iha Caibilale, suku Kaibada Uaimua, postu Baucau Vila. Hafoin ekipa Vijilansia epidemolojia hasai amostra no deteta nia hetan positivu Covi-19.

Entretantu tuir dadus kazu positivu sesta horsehik na’in 76, kazu foun positivu na’in 8, rekupera na’in 2 husi Fatumea, munisipiu Covalima no atual baixa pasiente Covid-19 hamutuk na’in 82.

Nune’e SIJK kontinua husu ba populasaun iha Dili laran tomak atu nafatin kalma, lalika pániku, hela deit iha uma wainhira laiha nesesidade atu halo movimentu bá-mai, pratíka nafatin medida sira ne’ebé ita hotu hatene ona:

  1. a) Uza máskara
  2. b) Fase liman bebeik ho sabaun ka dezinfetante ruma
  3. c) Wainhira kumprimenta malu, lapresiza kaer-liman, bensa-liman, rei-malu ka haku’ak malu
  4. d) Evita halibur malu barak
  5. e) Hamri’ik ka tur dook husi ema seluk, mínimu metru ida ho balu
Read 493 times Last modified on Sábadu, 13 Marsu 2021 19:18
Rate this item
(0 votes)