Kuarta, 20 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-19&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dadus Covid-19, loron ohin (13/3) Dadus Covid-19, loron ohin (13/3)

Kazu Positivu Covid-19 Sae Ba 82, Inklui Bebe Ida Featured

DILI:Sala Situasaun Sentru Integradu Jestaun Krize (SIJK) relata katak, loron Sabado ohin rezista tan kazu foun Covid-19 iha kapital Dili hamutuk na’in 6, inklui bebe na’in ida. Ho nunee tuir dadus atual total hamutuk na'in 82.


Kordenadór Forsa Tarefa ba Prevensaun no Mitigasaun Surtu Covid -19 iha Timor-Leste, Rui Maria de Araujo informa katak, progresu atividade prevensaun no mitigasaun surtu Covid-19 iha munisipiu Dili, hahú husi Sesta horsehik (12/3) to’o mai sabado ohin (13/3), amostra ne’ebé rekoilla iha atividade buka tuir kontaktu besik no mós vijilansia sintinela iha tan kazu positivu na’in 6 husi Dili, husi numeru ne’e inklui bebe na’in ida.
“Kazu positivu na’in ida bebe ho idade tinan 1 fulan 8 ne’ebé deteta iha sala izolamentu hamutuk ho nia inan ne’ebé positivu ona," dehan nia iha konferensia imprensa, CCD, (13/3).
Enkuantu, kazu positivu 2 husi aldeia Lurumata, suku Madohi, ne’e kontaktu besik ho sira nia familia uma laran, kazu positivu 2 seluk mak professional saúde ne’ebé halo formasaun Emergency Obstetrics and Neonatal Care (EMOC) iha HNGV. SIra na’in rua ne'e kontaktu besik ho professional saúde ida ne’ebé halo formasaun mós iha HNGV.
Kazu positivu na’in 1 rezultadu husi rastreiu aleatoriu iha aldeia Terra Santa.
Entretantu tuir dadus kazu positivu sesta horsehik na’in 76, kazu foun positivu na’in 8, rekupera na’in 2 husi Fatumea, munisipiu Covalima no atual baixa pasiente Covid-19 hamutuk na’in 82.
Nune’e SIJK kontinua husu ba populasaun iha Dili laran tomak atu nafatin kalma, lalika pániku, hela deit iha uma wainhira laiha nesesidade atu halo movimentu bá-mai, pratíka nafatin medida sira ne’ebé ita hotu hatene ona:
a) Uza máskara
b) Fase liman bebeik ho sabaun ka dezinfetante ruma
c) Wainhira kumprimenta malu, lapresiza kaer-liman, bensa-liman, rei-malu ka haku’ak malu
d) Evita halibur malu barak
e) Hamri’ik ka tur dook husi ema seluk, mínimu metru ida ho balu.

Read 1397 times
Rate this item
(0 votes)