INCT Realiza Formasaun Hakerek Proposta ba Dosente Investigadór Sira Featured

By Gregorio da Costa Jullu 05, 2021 812
Instituto Nasional Siensia no Teknolojia (INCT-Sigla Portugués), realiza formasaun hakerek proposta ba dosente investigadór sira, hodi hasa’e abilidade no dezenvolve peskiza ba teknolojia ho kualidade. Foto: Grigoriu/Independente. Instituto Nasional Siensia no Teknolojia (INCT-Sigla Portugués), realiza formasaun hakerek proposta ba dosente investigadór sira, hodi hasa’e abilidade no dezenvolve peskiza ba teknolojia ho kualidade. Foto: Grigoriu/Independente.

DILI: Instituto Nasional Siensia no Teknolojia (INCT-Sigla Portugués), realiza formasaun hakerek proposta ba dosente investigadór sira, hodi hasa’e abilidade no dezenvolve peskiza ba teknolojia ho kualidade.

Enkuantu, Formasaun ne’e, realiza durante loron lima nia laran, hahú iha loron 5 to’o 9 fulan-Jullu, iha salaun Ian-Martin, INFORDEPE Balide Dili.

Prezidente Konsellu Ezekutivu INCT, José Cornelio Guterres hatete, formasaun ne’e antes hahú ona iha tinan 2020, maibé tuir rezultadu ne’ebé dosente sira hakerek laiha kualidade, laiha atrativu no laiha transformasaun ba kontribui dezenvolvimentu nasional.

Tanba ne’e, ohin kontinua fali ba formasaun daruak nian ba dosente sira, atu bele promove kuñesementu, no abilidade no mós iha esperensia, oinsa hakerek proposta no peskiza kona ba dosente investigador sira.

“Ha’u hanoin depois-de formasaun ida ne'e dosente sira iha ona abilidade kona-ba prosposta sira ne'e ho diak, nune’e  aban bainrua  bele submete mai iha INCT no mós ba ajensia nasional no Governu,”dehan nia ba jornalista sira iha salaun Ian-Martin, Balide Dili, segunda ohin (05/07).

Nia relata, formasaun hakerek proposta ne’e sie uza tipu rua mak hanesan, hakerek puru no hakerek peskiza aplikada.

Peskiza puru ne’e mak, oinsa atu ema halo peskiza kona ba teste ran iha Laboratorium hodi hamosu fali siensia foun.

Aliende, peskiza aplikada mak hanesan, oinsa atu apoiu politika nain sira atu formula sira nia politika.

Ho nune’e, formasaun ba faze daruak ne’e akumula dosente sira hamutuk 36 kompostu husi Instituisaun Ensino Superior no privadu ne’ebé eziste.

“Dosente ne'ebé ohin tuir nformasaun ne'e mesak mestradu deit no ita tenke fó formasaun ba sira oinsa sira halo peskiza no mós tulun sira ba futuru hodi prepara proposta ba doutoramentu ho diak,”tenik nia.

Entretantu, formandor João Cançio Freitas husu ba dosente na’in 36 ne’ebé tuir formasaun ne’e atu bele iha konsentrasaun maximu ba formasaun refere, tanba formasaun ne’e hakerek proposta lahanesan ho proposta bainbain.

Tanba ne’e, nia husu ba Reitor ho Universidade sira  bele buka meios oinsa tenke kolabora ho Governu no Ministeriu Ensinu Superior no Siensias hodi hari plataforma atu ema hotu asesu liu-liu profesores sira.

Nune’e,ba Governu bele kria plataforma ba intermus virtual livre ka biblioteka virtual online hodi bele fó oportunidade ba Universidade sira atu  asesu.

Enkuantu, formandu husi São João De Brito Casait Likisa, hanesan  dosente ba material lian portugués,  Alexandre Hornai Pinto afirma, informasaun ne'e importante tebes tanba  Timor  iha objetivu ba institusaun ida ba Ensinu no mós investigasaun.

Tuir nia, hanesan formador laos hanorin deit maibé presiza mós peskiza tanba husi Instituisaun São João De Britu, foin mak dosente sira tuir formasaun ne’e, nune’e bele peskiza hodi hakerek artigu hodi publika.

 

Asistente Editor: Saturnina da Costa

Rate this item
(0 votes)

Independente Digital TV