Prezidente IGE.IP, Ermenegilda da Costa Laurentina hateten, IGE nia intervensaun la’os de’it iha tempu udan, maibé ekipa sira prontu bainhira akontese inundasaun iha komunidade nia le'et.
"Iha situasaun udan hanesan ne'e, IGE prontu tanba ekipa sira ne'ebé iha Munisipiu no Dili preparadu atu servisu hamutuk ho komunidade sira hodi halo intervensaun,"dehan Ermenegilda da Costa Laurentina ba Jornalista sira iha Delta Nova, (24/11).
Nia dehan, IGE kada loron sempre halo atividade iha terenu, hanesan iha Munisipiu Baukau ekipa sira halo servisu to'o Munisipiu Viqueque,Manatutu no Lautem.
Ekipa iha Munisipiu Bobonaru kobre ba Lolotoe, tanba iha loron hirak ba kotuk inundasaun iha Purugua IGE halo ona intervensaun Mota ne'ebé sobu komunidade sira nia natar.
“Mákina pezadus ne'ebé IGE iha hamutuk 70 resin iha territóriu tomak preparadu hodi halo normalizasaun ba mota sira ne'ebé ameasa ba komunidade sira,” tenik nia.
Alende ne'e,IGE mós konsege hatama ona reseita ba kofre estadu komesa husi Janeiru to'o agora hamutuk Rihun $ 3 no posibilidade sei aumenta tanba Tinan ne'e seidauk remata.
Husi orsamentu Reseita ne'e,mai husi kompaña privadu sira ne'ebé laiga Ekipamentus pezadus IGE nian inklui makina balun ne'ebé produs Britas iha Natarbora hodi kompaña sira sosa.
