“Iha tinan ne'e, UKL tama faze daruak nian, maibé saida mak ami haree konstrusaun UKL tinan kotuk nian balun seidauk hotu, durante ne'e ami observa hare kona-ba uniformizasaun kustu, purexemplu aldeia sira sa'e ba Baguia, sae ba foho ne'e konstrusaun ninia kustu ne'e todan liu," dehan nia ba Online INDEPENDENTE, Iha knar fatin, FONGTIL, Kaikoli, egunda (19/09).

Nia hatutan, benifisiariu ba konstrusaun UKL ne’e, balun hela iha foho leten, ida ne’e ninia kustu todan liu kompara ho sira seluk ne'ebé hela iha rai tetuk.

Enkuantu, benifisiariu sira ne’ebé hela iha foho leten, atu tula rai henek ninia kusto ne'e bo'ot, sira asesu ba estrada bainhira tempu udan laiha dalan atu asesu, entaun konstrusaun afeita bele la remata tuir ninia periodu.

"Infelismente ami agradese tanba numeru benefisiariu aumenta, maibé Governu tenke kontinua mellora ninia mekanismu sira liu-liu ba kustu sira, benifisiariu sira ne’ebé hela iha foho ne'e kustu labele hanesan ho sira ne’ebé hela iha tetuk. Tanba sasan folin sa’e, entaun afeita ba konstrusaun labele konklui,”dehan nia.

Nia haktuir, Konstrusaun ba UKL A no B tenke halo melloramentu ba uma sira ne'ebé mak kakuluk aat bele oferese deit kalen, tanba ne'e sosiedade sivil apresia.

Entretantu, Ezekutivu ne’e, husu mós ba parte ekipa tekniku sira tenke halo kontrolu ba konstrusaun UKL iha area rural sira, nune'e bele priense kualidade konstrusaun UKL nian.