Governu kontinua koopera ho Igreja forma rekursu umanu ho kualidade oioin Featured

By Juliao dos Santos Fevereiru 03, 2024 766
Primeiru-Ministru Kay Rala Xanana Gusmão hasoru malu ho Superior Jerál Jesuitas Timor-Leste Pe. Artur Sousa SJ, iha Palasiu Governu, (02/02/24). Foto:Media GPM. Primeiru-Ministru Kay Rala Xanana Gusmão hasoru malu ho Superior Jerál Jesuitas Timor-Leste Pe. Artur Sousa SJ, iha Palasiu Governu, (02/02/24). Foto:Media GPM.

DILI: Governu Timor-Leste sei kontinua koopera ho Igreja no Relijiaun sira iha hodi forma rekursu umanu ho kualidade oioin.


Tuir komunikadu ne’ebé online INDEPENDENTE asesu iha pájina ofisial Primeiru-Ministru Kay Rala Xanana Gusmão katak, Xefe Governu hala’o enkontru ho Superior Jerál Jesuitas Timor-Leste Pe. Artur Sousa SJ hodi deskute kona-ba knaar servisu Jesuitas kontribui servisu ba Igreja no forma rekursu Timoroan barak sai padre no balun kontribui servisu ba Estadu Timor-Leste.
Entretantu, Primeiru-Ministru, Kay Rala Xanana hato’o agradese ba misaun servisu ne’ebé Jesuita Timor-Leste hala’o iha área relijiozu, edukasaun no formasaun rekursu umanu ba foin sa’e Katolika kontribui makas prosesu kontrusaun estadu no nasaun.
Alende ne’e, Pe. Artur Sousa SJ kontente informa kona-ba ninia vizita mai Timor-Leste durante loron rua atu haree besik liután knaar servisu hotu ne’ebé Pe. Jesuita Timor-Leste sira hala’o iha Timor-Leste hodi apoia misaun Kreda Katólika Timor-Leste
Pe. Artur informa mós kona-ba planu ba oin atu selebra ezistensia Jesuitas Timor-Leste ba tinan 125 ne’ebé tuir planu atu hala’o iha Igreja Soibada- Manatutu nian, maibé ninia agenda ne’e sei hala’o deskusaun.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30