Estudante Finalista na’in 5.236 Asesu Ba UNTL no IPB Featured

By Ivonia Varela Fevereiru 03, 2024 5545
Ministériu Ensinu Superiór Siénsia no Kultura (MESSK-Sigla Portugés), anúnsiu rezulta kandidatu neebe asesu ba UNTL no IPB. Salaun MESSK, Kolmera, Dili, (02/02/24). Foto:Media MESSK. Ministériu Ensinu Superiór Siénsia no Kultura (MESSK-Sigla Portugés), anúnsiu rezulta kandidatu neebe asesu ba UNTL no IPB. Salaun MESSK, Kolmera, Dili, (02/02/24). Foto:Media MESSK.

DILI: Ministériu Ensinu Superiór Siénsia no Kultura (MESSK-Sigla Portugés), anúnsiu ona rezultadu ba kandidatu sira ne'ebe atu asesu ba Ensinu Superiór Publiku hanesan Universidade Nasionál Timor Lorosa’e ba tinan akadémika 2024.

Pezidente Komisaun Asesu Ensinu Superior (KAES), Maria Filomena Lay Guterres hatete, prosesu asesu ba Ensinu Superior Publiku ba estudante foun tinan akadémiku 2024, ne’ebé implementa ona husi Ministériu Ensinu Superiór, Siénsia no Kultura (MESSK), Universidade Nasional Timor Lorose (UNTL) no Institutu Politékniku Betano (IPB).
“kandidatu ne’ebé asesu ba institutu públiku rua hanesan Universidade Nasional Timor-Lorosa’e no Institutu Publiku Betanu iha tinan akadémiku 2024 hamutuk 5,236, ne’ebé kompostu husi UNTL 4.774 no IPB 462,” dehan Prezidente KAES ba jornalista iha salaun MESSK Colmera, sesta (02/02).
Enkuantu, estudante ne’ebé kandidata an ba institutu públiku rua husi Ensinu Sekundariu Jerál (ESJ) hamutuk 10.633 no Ensinu Sekundáriu Tékniku Vikasionál hamutuk 2.275 total hamutuk 12.908.
Nia esplika, prosesu ne'e hahú ho aprovasaun Diploma Ministerial n. 46/2023 de 5 de Outubro, liuhusi Diploma ne'e fó kompeténsia ba KAES hodi responsabiliza ba atividade hotu-hotu relativa ba Asesu Ensinu Superior publiku.
Númeru Totál Estudante Finalista sira husi ESJ no ESTV-27.398 fahe ba ESJ 23.256 ESTV4.142, no prienxe Buletim hamutuk 12.908 ne’ebé kompostu husi ESJ 10.633 ESTV 2.275
Númeru Estudante finalista sira husi ESJ no ESTV ne'ebé admitidu ba Ensinu Superior ba UNTL no IPB, liuhusi Rejime Jerál 4,446. ESJ 3.647 inklui ona kandidatu 85 ne'ebè hetan kualifikasaun di'ak liu husi kada munisipiu, no ESTV hamutuk 799 inklui ona na’in 25, ne'ebé hetan kualifikasaun di’ak liu iha nível nasionál.
Númeru Estudante finalista sira husi ESJ na ESTV ne'ebé preenche boletin maibe la admitidu Ensinu Superiór públiku, liuhusi Rejime Jerál -7.652.
Enkuantu, Rejime Espesiál iha tinan ida ne’e kompostu husi, Oportunidade, Veteranu no mártires sira nia oan inklui mós rejime espesial hakbiit ne’ebé fo biban ba família kbiit laek nia oan.

 

Total husi Kandidatu ba rejime espesial oportunidade total númeru kandidatu hamutuk na’in 1.116, sira ne'ebé tuir Ezame-849, no sira ne'ebé la tuir Ezame-267, kandidatu sira ne'ebé admitidu ba UNTL no IPB hamutuk na’in 513, no la pasa iha totál hamutuk na’in 336.
Total kandidatu ba rejime espesial veteranus nia oan total númeru kandidatu hamutuk na’in 291, Kandidatu sira ne'ebé tuir Ezame-247, Kandidatu sira neʼebé la tuir Ezame -44, Kandidatu sira ne'ebé Admitidu ba UNTL no IPB-93 no hirak ne’ebé la pasa hamutuk na’in 154.
Total rejime espesial Hakbit fó biban ba familia kbit laek sira-nia oan, total husi Kandidatu sira-1 802, Kandidatu sira neʼebé tuir Ezame-1.639, Kandidatu sira ne'ebé la tuir Ezame-163, Kandidatu sira ne'ebé admitidu ba UNTL no IPB 109, Kandidatu sira ne'ebé la admitidu-1.530.
Kategoria sira seluk hosi Rejime espesiál hanesan Ema ne'ebé remata ona ensinu superior, Tinan boot liu 23 no Timoroan ne'ebé remata Ensinu Sekundáriu iha Estranjeiru, ema ho difisiensia, F-FDTL, PNTL Kandidatu sira Admitidu ba UNTL no IPB, 75.
Iha fatin hanesan, Ministru Ensinu Superior Siensia no Kultura, Jóse Honório Jerónimo hatete, servisu ne’e servisu regorozu tebes, tanba karak halo transparente edukasaun kualidade, tanba kada tinan públiku sempre tau kestaun.
“Tan ne’e iha tinan ida ita hahú ho valor minimu 46, no tinan oin sei bele sa’e ba 48, tanba ita hakarak aposta ba kualidade duni, ida ne’e importante tebes,” dehan Ministru.
Komisaun ne'e kompostu husi elementu MESSK, UNTL no IPB, Komisaun ne'e, koordena ho Ministériu relevante sira hanesan Ministeriu Edukasaun, Ministeriu Solidariedade Sosial no Inkluzaun (MSSI), Ministeriu Asuntu Kombatente Libertasaun Nasional (MAKLN) no Ministeriu Administrasaun Estatal (MAE).

Rate this item
(1 Vote)
Last modified on Domingu, 04 Fevereiru 2024 15:01

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30