Kinta, 28 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Reiuniaun Konsellu Ministru diriji husi PM Taur Matan Ruak iha Palasiu Governu, (30/06). Foto:Gab.MPCM. Reiuniaun Konsellu Ministru diriji husi PM Taur Matan Ruak iha Palasiu Governu, (30/06). Foto:Gab.MPCM.

Governu Kontinua Extende Serka Sanitaria Ba Munisipiu Dili ho Baucau To’o Aban Featured

DILI:Governu liu husi reuniaun extra-ordinariu Konsellu Ministru, deside hodi kontinua extende serka sanitaria iha Iha Kapital Dili no Munisipiu Baucau.

“Hafoin analiza ba aprezentasaun kona-ba pontu sitasaun epidemiolójika iha munisípiu Baucau no Dili, husi Sala Situasaun Sentru Integradu Jestaun Krize (SIJK), delibera hodi aprova projetu sira Rezolusaun Governu nian ne’ebé mantein impozisaun serka sanitária iha Munisípiu sira hanesan Baucau no Dili, to’o finál vijénsia husi períodu estadu emerjénsia, to’o tuku 23:59 husi loron 1 fulan-jullu tinan 2021,”dehan Ministru Prezidensia Konsellu Ministru Fidelis Leite Magalhães, iha konferensia imprensa iha Palasiu Governu, kuarta ohin (30/06).

Governante ne’e hatutan, aban, iha sorumutuk ordinária Konsellu Ministrus nian, sei analiza fila-fali posibilidade kontinuidade impozisaun serka sanitária iha munisípiu rua ne’e.

Nune’e, bandu nafatin sirkulasaun ema sira-nian entre munisípiu Baucau no Dili no sirkunskrisaun administrativa sira-seluk, exetu iha kazu hirak ne’ebé nia fundamentu forte tanba razaun sira seguransa públika, saúde públika, asisténsia umanitária, manutensaun sistema abastesimentu públiku ka razaun seluk ne’ebé presiza atu hala’o ba interese públiku nian.

Enkuantu, molok ne’e Governu extende serka sanitaria ba dala-8 sei termina iha loron 30 fulan-Juñu tinan ne’e.

Entretantu, sidadaun ne’ebé komprova vasinasaun kompleta (doze rua) kontra Covid-19 la inklui iha proibisaun ida-ne’e, no mós labarik ho idade tinan 6 mai kraik ne’ebe akompaña.

 

Asistente Editor: Saturnina da Costa

Read 751 times
Rate this item
(0 votes)