Enkuantu, veíkulu 15 ne’e kompostu husi, truk naton iha tolu, kareta forklift (hiit sasan) tolu, kareta tula aimoruk vasina nia ida no kareta mini truk ho marka fuzo iha ualu,
Tuir Reprezentante JICA iha Timor-Leste, Gotto Ko, hatete, JICA kontente servisu hamutuk ho Ministeiru Saúde hodi hadia saúde públiku iha Timor-Leste.
Aleinde, JICA kontinua mantein rekursu úmanu liu husi programa bolsu estudu ba funsionariu Timor oan sira atu ba estudu iha Japaun no mós oferese treinamentu ba médiku no funsionariu administrasaun sira.
“Ajuda ne’e ho objetivu atu suporta hadia kapasidade prestasaun servisu saúde nian no mós atu responde ba Covid-19 iha Timor-Leste, ho hanoin atu haforsa prestasaun servisu médiku nian sein iha sistema kadeia abastamentu iha Ministeriu Sáude no atu hametin liu tan kooperasaun entre Governu Japaun ho Timor-Leste,” dehan nia, iha salaun Madre FMA, Komoro, segunda ne’e (13/12).
Entretantu, Ministra Saúde, Odete Maria Freitas Belo, hato’o agradesementu ba Governu Japaun liu husi JICA ne’ebé fasilita ona transporte hodi distribui aimoruk ba munisipiu sira.
“Entaun liu husi distribuisaun ida ne’e, munisipiu ida sei hetan kareta truk box ida, atu bele ajuda lori aimoruk, bainhira SAMES distribui ba iha munisipiu, depois sira distribui tutan ba iha sentru saúde sira no postu saúde sira,”dehan Odete.
Tanba ne’e, Ministra Saúde husu ba parte hotu atu uza veíkulu sira ne’e ho kuidadu, nune’e bele uza ba tempu naruk.
Enkuantu, veíkulu sira ne’e sei ajuda tula aimoruk ba iha munisipiu 12 inklui Rejiaun Administrativu Espesial Oecuse Ambeno.
Asistente Editor: Saturnina da Costa
