Sexta, 25 Juñu 2021 | Login
Loja faan roupa.Foto:Independente Loja faan roupa.Foto:Independente

Governu Fó Autorizasaun Ba Loja Faan Roupa No Segundo Mao Bele Loke Fali Featured

DILI:Governu liu husi Konsellu Ministru (KM), deside fó autorizasaun ba loja sira ne’ebé faan roupa no segundu Mao hanesan “Obralan” sira bele loke fila fali hodi halo sira nia atividade negosiu.

Ministru Prezidensia Konsellu Ministru, Fidelis Leite Magalhãens hatete, razaun governu deside fó autorizasaun tanba hare ba impaktu dezastre naturais ne’ebé akontese iha loron 4 fulana abril hodi rezulta populasaun barak lakaon sira nia hela fatin, sasan uma laran no hatais.

“Ba loja sira ne’ebe faan Roupa no segundu mao bele loke fali hodi hala’o sira nia atividade negosiu,”dehan nia iha konferensia inprensa iha Palasiu Governu (08/04).

Molok ne’e Governu deside atu loke hikas loja sira ne’ebé faan material konstrusaun sira no ristorante ka “warung” sira iha Dili laran.

Nune’e horseik loron (08/04) mós governu deside atu fó autorizasaun atu loke hikas loja sira ne’ebé faan roupa iha Dili laran atu bele hala’o fali sira nia atividade negosiu.  

Entretantu, governu extende serka sanitaria ba dala-4  iha kapital Dili iha oras 23:59 loron 3 fulan abril to’o loron oras 00:00 loron 17 fulan abril tinan 2021.

No Estadu Emerjensia ba dala-12 sei remata iha loron 3 fulan maio tinan 2021.

 

Jornalista:Saturnina da Costa

Editor:Jose Sarito Amaral

Read 663 times
Rate this item
(0 votes)