Sexta, 25 Juñu 2021 | Login
Kareta Mikrolete halai iha area Tasi-Tolu.Foto:Independente Kareta Mikrolete halai iha area Tasi-Tolu.Foto:Independente

Governu Autoriza Transporte Publiku Bele Funsiona Fali Featured

DILI:Governu liu husi Konsellu Ministru (KM) deside hodi autoriza fali transporte publiku sira iha Dili bele funsiona fali.

Tuir Ministru Prezidensia Konsellu Ministru Fidelis Leite Magalhãens hatete, ho razaun autoriza fali transporte publiku hanesan mikrolete no taxi sira bele funsiona hodi halo fali sira nia atividade atu nune’e fasitilita populasaun sira bele ba mai.

"Ba movimentu transporte publiku sira hanesan taxi no mikrolete sira bele halo fali atividade hirak ne’e, atu nune’e hodi fasilita populasun sira iha Dili durante periode nee,"dehan nia iha konferensia imprensa iha palasiu Governu (08/04).

Molok ne’e iha Konsellu Ministru aprova rezulusaun governu numeru 15/2021,hodi implementa serka sanitaria no konfinamentu obrigatoriu iha Kapital Dili hodi limita movimentu transporte publiku sira iha kapital Dili.

Entretantu, governu extende serka sanitaria ba dala-4  iha kapital Dili iha oras 23:59 loron 3 fulan abril to’o loron oras 00:00 loron 17 fulan abril tinan 2021.

No Estadu Emerjensia ba dala-12 sei remata iha loron 3 fulan maio tinan 2021.

 

Jornalista:Saturnina da Costa

Editor:Jose Sarito Amaral

Read 284 times
Rate this item
(0 votes)