Tersa, 28 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Uma komunidade ne'ebe besik liu mota Komoro bele provoka inundasaun. Uma komunidade ne'ebe besik liu mota Komoro bele provoka inundasaun.

Governu Dekreta Estadu Kalamidade Iha TL Loron 30 Featured

DILI:Governu liu husi Konsellu Ministru (KM),aprova ona projetu Rezolusaun Governu ba deklarasaun estadu kalamidade iha nivel nasionál, ba períodu loron 30.

Ministru Prezidensia Konsellu Ministru, Fidelis Leite Magalhãens hatete, dekralasaun ne’e hodi hasoru akontesimentu bee-sa’e no inundasaun iha Munusípiu Dili, iha dadersan-nakukun loron 4 fulan-abril tinan 2021, ne’ebé provoka husi siklone tropikál Seroja.

“Maske iha munispiu seluk iha sofre ba dezastre naturais no kategoria iha munispiu sira lahanesan ho situasaun kalamidade iha kapital Dili,”dehan nia bainhira remata reiuniaun Konsellu Ministru liu husi konferensia imprensa, Palasiu Governu (08/04).

Nune’e, governu kria ona grupu serbisu tékniku ne’ebé sei responsavel ba identifikasaun infraestrutura no ekipamentu públiku koletivu ne’ebé mak hetan estraga husi inundasaun no hodi prepara proposta sira ba nia rekonstrusaun ka reabilitasaun.

Iha rezulusaun ne’e mós, bandu populasaun sira atu harii uma iha área inundasaun no área ho foho lolon ne’ebé naton to’o aas tanba perigu tebes.

Asaun ka forma utlizasaun rai ne’ebé bele aumenta risku akontesimentu fila-fali ka agrava ninia impaktu sira.

Entretantu dadus provizoriu husi Sekretaria Estadu Protesaun Sivil, ba populsaun sira ne’ebé hetan dezastre naturais impaktu husi inundasaun iha loron 4 fulan abril tinan 2021,

Inundasaun provoka besik ema rihun 10 maka lakon uma  iha Dili, ne’ebé daudaun ne’e alojadu iha sentru akollimentu ne’ebé espalla iha sidade. Bee-sa’e ne’e provoka ema 42 maka mate, 22 husi Dili, sanulu iha Ainaro, lima iha Manatutu, na’in tolu iha Vikeke no na’in rua iha Aileu.

 

Jornalista: Saturnina da Costa

Editor: Jose Sarito Amaral

Read 1221 times
Rate this item
(0 votes)