Estadus Unidus Lansa Projetu hodi Haforsa Koneksaun Voo ba Oecusse Featured

By Abril 25, 2023 514
Enkarregadu Negósiu EUA Tom Daley no Prezidente Rejiaun Espesiál Oecusse Arsenio Bano asina akordu subvensaun ida ho valór hamutuk $933,000 resin ba dezenvolvimentu estudu viabilidade ida hodi estabelese aviaun foun ida ne’ebé sei fornese aumentu serbisu aereu ba Rejiaun Administrativa Espesiál Oecusse. Foto:Media EUA. Enkarregadu Negósiu EUA Tom Daley no Prezidente Rejiaun Espesiál Oecusse Arsenio Bano asina akordu subvensaun ida ho valór hamutuk $933,000 resin ba dezenvolvimentu estudu viabilidade ida hodi estabelese aviaun foun ida ne’ebé sei fornese aumentu serbisu aereu ba Rejiaun Administrativa Espesiál Oecusse. Foto:Media EUA.

OEKUSSE: Enkarregadu Negósiu EUA Tom Daley no Prezidente Rejiaun Espesiál Oecusse Arsenio Bano asina akordu subvensaun ida ho valór hamutuk $933,000 resin ba dezenvolvimentu estudu viabilidade ida hodi estabelese aviaun foun ida ne’ebé sei fornese aumentu serbisu aereu ba Rejiaun Administrativa Espesiál Oecusse.

Estudu viabilidade ne’e sei dezenvolve kazu negósiu ida ba aviaun foun ne’e, halo revizaun ba Timor-Leste nia merkadu aviasaun komersiál ne’ebé iha daudaun ne’e ho nia poténsiu, no avalia opsaun kona-ba na’in ba negoiu aviaun refere, modelu operasionál, estratéjia ba redi no seguransa. Estudu ne’e mós inklui planu implementasaun negósiu ida hodi fornese Oecusse ho mapamentu ba dezenvolvimentu aviaun iha tinan lima nia laran tuir mai.

“Transportasaun nu’udar pilár importante ida ba dezenvolvimentu infraestutura – no importante tebes atu aumenta konetividade tantu iha Timor-Leste lara no mós iha rejiaun nia laran,” dehan Enkarregadu Negósiu EUA Tom Daley, iha komunikadu ne’ebé Online INDEPENDENTE sita, segunda (24/04).

 “Liuhosi fundu subvensaun ida ne’e, ami apoia Oecusse atu halo ba ida ne’e. Projetu ida ne’e reprezenta Estadus Unidus nia kompromisu ba haforsa parseria ne’ebé metin ona ho Timor-Leste enkuantu ita serbisu hamutuk hodi promove rejiaun ida ne’ebé mak estavel liu, liga-ba-malu, no prósperu liu.”

Entretantu, estudu viabilidade ida hola parte ba Estadus Unidus nia Ajénsia ba Komérsiu no Dezenvolvimentu (USTDA-sigla Inglés) hala’o iha Programa Kooperasaun viasaun Sudeste-Aziátiku no Pasífiku (ACP-sigla Inglés).

Enkuantu,  ACP ne’e, nu’udar parseria públiku privadu ne’ebé kompostu husi ajénsia lima husi governu EUA nia ajensia UTSDA, Departamentu Transportasaun no Komérsiu, Administrasaun Aviasaun Federal no Administrasaun Seguransa ba Transportasaun no parseiru industria hamutuk 40 resin husi EUA.

Tanba ne’e,  ACP nia objetivu mak atu sai hanesan forum hodi promove kolaborasaun téknika, polítika no komersiál iha área aviaun sivíl iha Sudeste Aziátiku no Illa Pasífiku tomak.

USTDA simu nota konseitu inisiál ba estudu viabilidade ida ne’e liuhosi konvite ba proposta sira ba apoia ACP. Alton Aviation Consultancy ho RAEOA-ZEEMS TL hamutuk aprezenta proposta ba USTDA nia konsiderasaun.

Nune’e, mós Alton nu’udar empreza asesória boutiku ida ne’ebé ho nia baze iha Nova Iorke, nu’udar kompania ida ne’ebé dedika an ba servisu iha indústria aviasaun no aerospace.

Rate this item
(0 votes)
Last modified on Tersa, 25 Abril 2023 19:02
Saturnina da Costa

Jornalista Jornal Independente

https://independente.tl

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31