Empregadór Tenke Trata Traballadór ho Dignu Featured

By Ligia Noronha Maiu 03, 2018 1498
Empregador sira sena malu trata passaporte Portugal iha Embaxada Portugal, Dili Empregador sira sena malu trata passaporte Portugal iha Embaxada Portugal, Dili

DILI: Konfederasaun Sindikatu Timor-Leste (KSTL) husu ba empregadór sira atu trata ho dignu no kria faselidade kondisaun di’ak.

Sekretáriu Jeral KSTL, José da Costa hatete, desputa sira ne’ebé agora mosu ba liu ema nia direitu, lei hatete labele hasai ema arbiru laiha razaun ne’ebé la klaru, maibé ida ne’e kontinua la’o nafatin no empregadór sira aprova ne’e tanba laiha alternativu.

Parte seluk maka problema kontratu balun iha no balun laiha, iha balun hakerek kontatau salariu $115 maibé la selu ho di’ak no selu la tuir data ne’ebe termina no dada tempu.

Aleinde ne’e, nia mós informa, kona-ba kompania balun kondisaun ambiente, maibe Timor seidauk iha inspesaun ba fatin sira ne’e entaun situsaun sira ne’e akontese no sira mós tauk atu fó hatene tanba tauk lakon servisu, maibé sira nia kontratu remata ona mak sira foin mai iha ne’e hodi buka dalan.

Kona-ba diskriminasaun ne’e la’ós Timor ho Timor maibé iha mos timoroan ho estranzeiru hanesan mai sevisu, maibé sira nia salariu boot liu no tratamentu ba sira mós di’ak hanesan hetan hahan no mós trasporte.

“Ami nafatin ezije protesaun ba direitu traballadór, husu ba diresaun inspesaun traballu atu implementa, kuandu traballador falta laiha justifikasaun hase kedan maibé emprgador sira halo violasaun los duni aplika ona multa maibe prosesu ne’e lao demora, aibe balun la hetan tanba insesaun la too ba nee’ba”, tenik nia.

Governu deside ona katak loron 1 Maiu feriadu nasionál no traballador sira loloos ne’e sira direitu ida atu deskansa no liuliu atu halibur malu hodi koalia kona-ba sira nia preokupasaun hatoo ejeinsjia liu husi kanal organizaun KSTL.

Feriadu la’ós atu tuir iha uma de’it maibe halibur malu iha oras balun nia laran hatoo preokupasun no ezijensia ba governu ne’ebe mai hodi tau matan oinsa mak atu fó presaun di’ak liu ba traballador sira.

 Traballadór Forsa Ekonómia Sustentavel

Prezidente Repúblika Francisco Guterres ‘Lú-Olo’, hato’o hakoak boot ba traballador timoroan tomak tantu iha Timor-Leste no iha estranjeiru hanesan Inglaterra, Koreia Sul , Portugal, Australia no rai seluk liu husi selebrasaun loron traballador ne’e.

“Ha’u saúda liu liu maluk sira ne’ebé servisu hodi haforsa ekonómia sustentavel, katak  atu la’o ho di’ak no ba beibeik, ekonómia ida ne’ebé sei hasae valor servisu husi mane no feto iha ita nia territoriu tomaka  iha foho, iha toos laran, iha natar laran no mos iha ofisina no empreza sira ne’ebé harii no haburas empregu iha ita nia sidade laran,” mensajen ne’e Xefe Estadu fó sai relasiona ho komemorasaun loron traballadór nian.

Tuir nia, Konstituisaun RDTL rekoñese no proteje direitu ba servisu hanesan direitu ida ne’ebé ema hotu-hotu tenke iha.

“Ha’u preokupa makaa’as tebe-tebes ho direitu ida ne’e tenke sai prioridade polítika ida ba ukun nain sira, atu haforsa ekonómia Timor-Leste nian ita hotu tenke haka’as aan atu haburas ita nia ekonómia iha ita nia rain, ita hasoru hela situasaun ida ne’ebé iha dezafiu ekonomiku boot, tanba ita seidauk iha orsamentu Estadu”, mensajen PR Lú-Olo.

Nia salienta, atu polítika nasionál dezenvolvimentu la’o ba oin Estadu presiza investe atu apoia ekonómia no haburas merkadu sosial liu husi harii no haburas empregu.

“Iha loron traballadór sira nian, makaa ha’u nu’udar Prezidente Repúblika hakarak hatete dala ida tan katak, durante ha’u nia mandate, ha’u sei haka’as-aan atu kumpre ha’u nia kompromisu servisu hamutuk ho governu atu promove polítika ekonomika foun no polítika empregu ne’ebé hasae ba beibeik inkluzaun sosial, katak sei la hasees ema ida husi direitu atu hetan servisu”, dehan nia.

PR Lú-Olo salienta, hotu hakarak hamenus ki’ak no mukit, hakarak promove inkluzaun ekonomika juventude nian, atu hetan ida ne’e hotu hotu tenke servisu hamutuk atu haburas ekonómia sustentavel no produtivu liu, tanba ne’e presiza traballadór Timoróan hotu-hotu ninia partisipasaun.

Tenke buka dalan atu hala’o polítika foun atu ema barak liu bele hetan servisu, hamutuk deit bele hetan ekonómia ida di’ak liu no nasaun ida buras liu ba Timoróan hotu-hotu, ida ne’e maka prioridade importante tebe-tebes ba Prezidente Repúblika.

Maluk sira bele fó laran metin nafatin ba Prezidente Repúblika hotu-hotu, nu’udar traballadór sei  hakaas-aan atu serve di’ak liutan rai doben Timor-Leste. 

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30