Fundadór AHDMTL, Gaspar Afonso hateten, maski asosiasaun ne’e hamrrik tinan 11 ona, maibé ema ho defisiénsia matan barak mak sei hela iha área rurál no balun sei iha hela diskriminasaun nia laran.

"Ohin ha'u mai hanesan fundador ne’ebé iha responsabilidade moral, kontrola atu nafatin observa no halo monitozasaun ba lideransa sira ne'ebé depozita no fó konfiansa ba ne'e," Gaspar Afonso hateten ba jornalista sira iha salaun AHDMTL Manleuana, Sesta (01/07/2022).

Nia rekoñese katak, oras ne’e daudaun iha dezafiu barak hanesan fundus no fatin limitadu la bele akumula ema barak.

Tanba ne’e agora daudaun Gaspar Afonso entrega ona BOQ ba edifisiu ne’e entrega ona ba Prezidente Repúblika, José Ramos Horta sei esforsu buka fundus atu fo hodi halo konstrusaun.

Dadus ba ema ho defisiénsia ne'ebé hamahan iha AHDMTL ativu hamutuk na'in 90 ne'e aprende hela letra braille no balun aprende iha ensinu rekorrente.

Tuir dadus hosi AHDMTL katak, oras ne’e daudaun ema ho defisiínsia iha Timor Leste hamutuk 38.118 .