Dadus 27 Abril: Suspeitu Covid-19 Sa’e Ba 480, Positivu Mantein 24 Featured

By Elsa Belinha Abril 27, 2020 3029
Atualizasaun kazu COVID-19 Atualizasaun kazu COVID-19

DILI: Atualizasaun informasaun kona ba loron ohin 27 fulan-Abril suspeitu Corona Virus Deasses 2019 (COVID-19) sa’e ba 480. Enkuantu tuir dadus Sábdu horsehik hamutuk 472.

Portavoz Sentru Integradu Jestaun Krize (SIJK), Dr. Sergio Lobo hatete, ema ne’ebé agora dadaun sei iha kuerentena obrigatóriu hamutuk 448, kompostu husi Dili hamutuk 337 no iha munisipiu 68. Sira ne’ebé halo auto kuerentena iha Dili hamutuk 18 no iha munisipiu 35.

Iha sala situasaun Sentru Integradu Jestaun Krize liu husi konferensia ba imprensa, segunda-ohin, eis Ministru Saúde ne’e informa, ema ne’ebé halo teste laboratóriu hamutuk 480, kazu konfirmadu mantein 24, rekuperadu na’in neen (6) kompostu husi kazu provavel na’in haat (4) no kazu positivu na’in rua.

Nia dehan, ema ne’ebé hein rezultadu na’in 89.

Segunda-ohin kazu foun laiha no provavel laiha, ema ne’ebé halo teste nia rezultadu negativu hamutuk 376, total ema ne’ebé liu ona loron 14 iha karantina hamutuk 1694 kompostu husi Dili hamutuk 350 no munisipiu 344.

Rate this item
(0 votes)

Independente Digital TV