Deputadu Bankada KHUNTO, Luis Roberto da silva hatete, relasiona ho informasaun ne’e, nia Bankada hato’o ona ba Governu atu halo investigasaun.

Nia dehan, pessoal balun ne’ebé mak uza oportunidade Estadu Emerjénsia ida ne’e hodi politiza fila-fali buat ne’ebé ema hotu lakohi atu akontese iha Timor-Leste.

Iha fatin hanesan, Prezidente Bankada FRETILIN, Francisco Miranda Branco mós kontra aktu ameasas ne’e.

Tuir nia katak, aktu politika  iha nasaun Timor-Leste, hanesan aktu ne’ebé hakanek prinsipiu  konstituisionál, demokrasia, direitu no hakanek liberdade.

Entretantu Prezidente Bankada CNRT, Duarte Duarte Nunes espera Komandu Jeral PNTL bele halo investigasaun klean hodi identifika pesoal sira ne’e.

“Halo favór halo andamentu ba ida ne’e ita hakarak transparansia asves iha prosesu ida to’o ona iha ne’ebé favor ida hato’o mai mai plenária, tanba ne’e  nama baik ami nia kompañeiru no partidu,”dehan nia.

Bankada CNRT prontu atu submete no espera katak buat sira tenke to’o nia rohan. Tanba espekulasaun sira sempre mosu hasoru partidu CNRT no Maun Boot Kay Rala Xanana Gusmão.

Nia dehan, hanesan uluk ne’e duun Maun Xanana mak ba kaer Naimori no tau iha karon laran.

“Agora ida sai dehan kompañeiru Rigoberto nia hanesan Sekretariu Jerál atuál, tanba Sekretariu Jerál laiha, dehan Rigoberto mak ba kaer Naimori, ita espera katak prosesu ne’e tenke la’o,”dehan nia.