Sexta, 25 Juñu 2021 | Login
Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo.Foto: Dok Independente Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo.Foto: Dok Independente

Covid-19, Kazu Foun Iha Kapital Dili Hamutuk 17 Featured

DILI:Sala Situasaun Sentru Integradu Jestaun Krize (SIJK) relata ohin loron 14 ekipa konjunta saúde deteta kazu foun na’in 17 iha Dili.

Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo hatete, kazu foun hirak ne’e iha mane na’in 10 no feto na’in 7.

“Ema ne’ebé sintomas iha na’in 3 no asintomatiku ka la hatudu sintomas hamutuk na’in 14,”dehan nia iha konferensia imprensa liu zoom, iha CCD, (14/04).

Ho nune’e iha munisipiu Dili hahu deteta kazu positivu iha loron 7 fulan marsu to’o loron 14 fulan abril hamutuk 861 kazu detetadu.

Ho baze ba informasaun ida ne’e iha loron hirak liu ba ita organiza cluster sir aba suku sira ne’ebé iha Dili laran nafatin suku Comoro no suku Fatuhada no mós suku Bebonuk mak nafatin iha kazu positivu.

Aliende ne’e iha mós suku Santa Cruz no suku Kaikoli nafatin iha atividade propagasaun da’et ba mai husi moras SARS COV-2.

Dadus jeral ba loron ohin iha kazu foun na’in 17, kazu rekuperadu na’in 14, mate na’in 2, no kazu ativu ne’ebé iha sala izolamentu hamutuk na’in 547.

Pasiente na’in rua ne’ebé mate laos de’it tanba moras Covid-19, maibé iha mós moras komplikadu ka moras sira seluk.

Husi loron horseik (13/04) laboratorium nasional saúde halo analiza teste PCR hamutuk 446,  fahe ba grupo vijilansia sentinela iha 31, restreiu ba kontaktu iha ema na’in 1, restreiu aliatoriu iha ema na’in 2, viajem husi serka sanitaria Dili hamtuk 393.

Ema ne’ebé husu teste PCR atu viajem ba internasional hamutuk na’in 18.

Total pedidu autorizasaun esepsional atu sai husi serka sanitaria munisipiu Dili hamutuk 125, Sekretaria Estadu SIJK responde hotu.Maibé iha pedidu hirak mak la prinse kriteria rezulusaun Governu.

 

Jornalista:Saturnina da Costa

Editor:Jose Sarito Amaral

Read 194 times
Rate this item
(0 votes)